Gliese 625

De Wikipedia
Saltar a navegación Saltar a la gueta
Gliese 625
Gliese 625
Constelación Draco
Ascensión reuta α 11h 51min 07,34s
Declinación δ +54º 18’ 14,8’’
Distancia 21,5 años lluz
Magnitú visual +10,17
Magnitú absoluta +11,08
Lluminosidá 0,014 soles
Temperatura 3350 K
Masa 0,35 soles
Tipu espectral M2.0V
Velocidá radial -12,8 km/s

Gliese 625 (GJ 625 / HIP 80459 / G 202-48)[1] ye una estrella na constelación de Draco visualmente asitiada 2,5º al noroeste de 16 y 17 Draconis. Tien magnitú aparente +10,17, polo que nun ye observable a simple vista. Alcuéntrase a 21,5 años lluz del Sistema Solar; dientro de 220.000 años va algamar la so mínima separación respeutu al Sistema Solar, que va ser daqué inferior a 16 años lluz.[2] La estrella conocida más cercana a Gliese 625 ye Gliese 661, distante 4,27 años lluz.[3]

Gliese 625 ye una nana colorada de tipu espectral M2.0V. Diversos estudios ufierten cifres distintes pa la so temperatura superficial, ente 3350 y 3570 K.[4][5] Tien una lluminosidá bolométrica —en toles llonxitúes d'onda— equivalente al 1,4% de la que tien el Sol.[5] Xira sobre sigo mesma con una velocidá de rotación proyeutada igual o inferior a 3,4 km/s. Amuesa una metalicidá —bayura relativa d'elementos más pesaos qu'el heliu nuna estrella— notablemente inferior a la solar ([Fe/H] = -0,44). Tien una masa de 0,35 mases solares y piénsase que ye una estrella nueva de 500 millones d'años d'edá.[4]

Gliese 625 forma parte de la corriente d'estrelles de la Asociación estelar del sietestrellu, qu'inclúi, ente otres estrelles, a DL Draconis, Ross 128 y EV Lacertae,[6] estos dos últimes tamién nanes coloraes.

Referencies[editar | editar la fonte]