16 Draconis

16 Draconis
	Sistema estelar
Datos d'observación
Ascensión reuta (α)	249,05708 °
Declinación (δ)	52,92444 °
Magnitú absoluta	−0,05
Constelación	Draco (es)
Otros nomes
	Ver llista CCDM J16362+5255ABC (Catalog of Components of Double and Multiple Stars (en) ); WDS J16362+5255AB,C (Catálogo de Estrellas Dobles Washington (es) ); PMSC 16339+5308 (MSC - a catalogue of physical multiple stars); 16 Dra (Denominación de Flamsteed (es) );

16 Draconis
	Sistema estelar
Datos d'observación
Ascensión reuta (α)	249,05708 °
Declinación (δ)	52,92444 °
Magnitú absoluta	−0,05
Constelación	Draco (es)
Otros nomes
	Ver llista CCDM J16362+5255ABC (Catalog of Components of Double and Multiple Stars (en) ); WDS J16362+5255AB,C (Catálogo de Estrellas Dobles Washington (es) ); PMSC 16339+5308 (MSC - a catalogue of physical multiple stars); 16 Dra (Denominación de Flamsteed (es) );

Coordenaes: 16^h 36^m 13.699^s, 52^° 55^′ 27.984^″

16 Draconis (16 Dra / HD 150100)^[2] y 17 Draconis (17 Dra / HD 150117J)^[3] formen un sistema estelar na constelación de Draco. Separaes 90 segundos d'arcu nel cielu, les dos estrelles tán gravitacionalmente rellacionaes; la distancia real ente dambes ye de siquier 11.500 UA, lo que da llugar a un periodu orbital cimeru a 38.000 años. El sistema alcuéntrase a 420 años lluz del Sistema Solar.^[4]

17 Draconis

De la mesma, 17 Draconis ye una estrella binaria, tando separaes 3,3 segundos d'arcu dambes componentes —denominaes 17 Draconis A y 17 Draconis B—. 17 Draconis A ye una estrella blancu-azulada de la secuencia principal de tipu espectral B9V con una temperatura efectivo averada de 10.500 K y 132 vegaes más lluminosa que'l Sol. Tien un radiu 3,4 vegaes más grande que'l radiu solar y una masa de 3,1 mases solares. La so velocidá de rotación proyeutada ye de 217 km/s, dando llugar a un periodu de rotación inferior a 0,8 díes.

17 Draconis B ye una estrella blanca de la secuencia principal de tipu A1V con una temperatura de 9.400 K. 40 vegaes más lluminosa que'l Sol, la so masa ye de 2,4 mases solares. Tien un radiu 2,4 vegaes más grande que la solar, y —con una velocidá de rotación de siquier 231 km/s—, completa un xiru sobre sigo mesma en menos de 0,5 díes. La separación ente 17 Draconis A y B ye de más de 425 UA y el so periodu orbital supera los 3800 años.^[4]

16 Draconis

Pela so parte, 16 Draconis ye una estrella de tipu B9.5V bien asemeyáu a 17 Draconis A. La so lluminosidá ye 112 vegaes mayor que la lluminosidá solar y la so masa ye de 3,0 mases solares. Tien un radiu 3,2 vegaes más grande que'l del Sol y xira sobre sigo mesma con una velocidá de siquier 77 km/s, lo que trai un periodu de rotación de 2,1 díes o inferior. Esta estrella amuesa un escesu nel ultravioleta y rayos X, que'l so orixe paez tar nuna nana blanca —demasiáu tenue pa ser reparada— cola que formaría un sistema binariu. La temperatura d'esti oxetu puede tar próximu a los 30.000 K y, considerando que'l sistema tien una edá de 250 millones d'años, na so nacencia probablemente fuera una estrella de tipu B6 que, al ser más masiva, evolucionó más apriesa.^[4]

Referencies

↑ ^1,0 ^1,1 ^1,2 ^1,3 «MSC - a catalogue of physical multiple stars» (n'inglés). Astronomy and Astrophysics (1): páxs. 75-84. xunetu 1997. doi:10.1051/AAS:1997181.
↑ 16 Dra -- Star in double system (SIMBAD)
↑ CCDM J16362+5255AB -- Double or multiple star (SIMBAD)
↑ ^4,0 ^4,1 ^4,2 16 and 17 Draconis (Stars, Jim Kaler)

Coordenaes: 16^h 36^m 13.699^s, 52^° 55^′ 27.984^″

[df67fc1a1a46bd091d251579cf28c85b831176c8-1] 1,0 ^1,1 ^1,2 ^1,3 «MSC - a catalogue of physical multiple stars» (n'inglés). Astronomy and Astrophysics (1): páxs. 75-84. xunetu 1997. doi:10.1051/AAS:1997181.

[Simbad16-2] 16 Dra -- Star in double system (SIMBAD)

[Simbad17-3] CCDM J16362+5255AB -- Double or multiple star (SIMBAD)

[JimKaler-4] 4,0 ^4,1 ^4,2 16 and 17 Draconis (Stars, Jim Kaler)

[1]

[2]

[3]

[4]