Gliese 229

De Wikipedia
Saltar a navegación Saltar a la gueta
Gliese 229
Gliese 229 A
Imaxe de Gliese 229 A y Gliese 229 B.
Constelación Lepus
Ascensión reuta α 06h 10min 34,62s
Declinación δ -21º 51’ 52,7’’
Distancia 18,8 ± 0,1 años lluz
Magnitú visual +8,14
Magnitú absoluta +9,35
Lluminosidá 0,016 soles
Temperatura 3700 K
Masa 0,56 soles
Radiu < 0,53 soles
Tipu espectral M1/M2V
Velocidá radial +3,9 km/s

Gliese 229 (GJ 229 / HD 42851 / HIP 29295 / LHS 1827)[1] ye una estrella de magnitú aparente +8,14 asitiada a 18,8 años lluz del Sistema Solar na constelación de Lepus. Dende 1994 conozse la esistencia d'una compañera subestelar, una nana marrón n'órbita alredor d'esta estrella.

Gliese 229 ye una nana colorada de tipu espectral M1/M2V[1] y 3700 K de temperatura.[2] La so masa averada ye un 56% de la masa solar[3] y el so radiu ye inferior a un 53% del radiu solar. Muncho menos lluminosa qu'el Sol, namái tien un 1,6% de la lluminosidá solar. Tien una velocidá de rotación proyeutada de 1 km/s.[4] Envalórase la so edá nunos 3000 millones d'años.[5] Ye una estrella acandilante —despide fogarales que provoquen sópitos aumentos de rellumu catalogada nel New Catalogue of Suspected Variable Stars como NSV 2863.[1]

Les estrelles más cercanes a Gliese 229 son Gliese 205 y Gliese 223.2, distantes 6,7 y 6,8 años lluz respeutivamente.[5]

Compañera subestelar[editar | editar la fonte]

L'acompañante, Gliese 229 B, ye una nana marrón que la so masa ta entendida ente 25 y 65 vegaes la masa de Xúpiter, con un diámetru ente 0,9 y 1,1 vegaes el de Xúpiter. La so temperatura superficial ye de 1000 - 1200 K. Al igual qu'en Xúpiter, na so superficie ye abondosa'l metanu, tando clasificada como de tipu espectral T7p.[6] Anguaño ta dixebrada 39 UA de Gliese 229, aprosimao la mesma distancia qu'hai ente Plutón y el Sol.[5]

Referencies[editar | editar la fonte]

Coordenaes: Sky map 6h 10m 34.7s, -21° 51 46.501