Gliese 205

De Wikipedia
Saltar a navegación Saltar a la gueta
Gliese 205
Gliese 205
Constelación Orión
Ascensión reuta α 05h 31min 27,40s
Declinación δ -03º 40’ 38,0’’
Distancia 18,6 años lluz
Magnitú visual +7,95
Magnitú absoluta +9,18
Lluminosidá 0,0184 soles
Temperatura 3620 K (aprox)
Masa 0,63 soles
Radiu 0,76 soles
Tipu espectral M1.5V
Velocidá radial +10,6 km/s

Gliese 205 (GJ 205 / HIP 25878 / LHS 30)[1] ye una estrella nes cercaníes del Sistema Solar que s'atopa a 18,6 años lluz de distancia. Asitiada na constelación d'Orión, ye la segunda estrella más próxima nesta constelación dempués de G 99-49. Les estrelles más cercanes a Gliese 205 son GJ 3323 y G 99-49, a 2,6 y 3,0 años lluz respeutivamente.[2] De magnitú aparente +7,95, el so débil rellumu fai que nun sía visible a simple vista.

Gliese 205 ye una nana colorada de tipu espectral M1.5V con una temperatura superficial de 3620 K.[3] Con una masa de 0,63 mases solares, el so radiu ye igual al 76% del que tien el Sol.[4] Tien una lluminosidá equivalente al 1,84% de la lluminosidá solar. La so velocidá de rotación proyeutada ye 2,9 km/s, lo qu'implica que'l so periodu de rotación ye igual o inferior a 14,1 díes.[4] La so metalicidá paez ser cimeru a la solar, con una rellación ente los conteníos de fierro y hidróxenu un 62% mayor que nel Sol.[5]

Gliese 205 ta catalogada como una posible variable BY Draconis, con una variación nel so rellumu de 0,16 magnitúes.[6]

Ver tamién[editar | editar la fonte]

Referencies[editar | editar la fonte]