Gladys Hulette
Gladys Hulette | |
|---|---|
.jpg) | |
| Vida | |
| Nacimientu |
Arcade (Nueva York) (es)  , 21 de xunetu de 1896[1] |
| Nacionalidá |
 Estaos Xuníos |
| Muerte |
Montebello (es) , 8 d'agostu de 1991[1] (95 años) |
| Sepultura |
Rose Hills Memorial Park (en) |
| Causa de la muerte | enfermedá |
| Familia | |
| Casada con | William Parke Jr. (1917 – div. 1924)[2] |
| Oficiu | actriz de teatru, actriz de cine, actriz, guionista |
| IMDb | nm0401368 |
 | |
Gladys Hulette (21 de xunetu de 1896, Arcade (Nueva York) (es) – 8 d'agostu de 1991, Montebello (es) ) foi una actriz cinematográfica d'Estaos Xuníos de la dómina del cine mudu.
Actriz infantil[editar | editar la fonte]
Nacida n'Arcade (Nueva York), la so carrera empecipió nos primeros años del cine mudu y siguió hasta mediada la década de 1930. La so primer actuación teatral tuvo llugar a los trés años d'edá, y a los siete debutaba na pantalla. La so madre yera una estrella de la ópera, y Hulette taba ente los principales intérpretes de la obra Sappho and Phaon, que s'estrenó en Providence (Rhode Island) el 4 d'ochobre de 1907, y na qu'actuaba Bertha Kalich so producción de Percy MacKaye.
De neña tamién actuó en Romeo y Julieta (1908) y The Smoke Fairy (1909). Na pieza Blue Bird encarnó a la neña maravía. Amás foi Beth en Muyerines (Little Women), obra de Louisa May Alcott.
Actriz de cine mudu[editar | editar la fonte]
Nes sos primeres producciones cinematográfiques Hulette trabayó so contratu con Vitagraph Studios. En 1917 los filmes de Hulette yeren producíos pol direutor William Parke. Nesi añu fixo'l que foi'l so títulu más popular hasta la fecha, Streets of Illusion, nel qu'encarnaba a Beam actuando en compañía de Richard Barthelmess y J.H. Gilmour.
En 1917 Hulette casóse con William Parke Jr., fíu del direutor, divorciándose la pareya en 1924.[3]
Hulette volvió trabayar con Barthelmess en Tol'able David, interpretando a la inocente Esther Hatburn. Darréu buscó papeles de comedia y drama como los qu'encarnó en Jack O' Hearts (1926) y A Bowery Cinderella (1927).
Últimos años[editar | editar la fonte]
Hulette debutó nel cine sonoru col filme Torch Singer (1933), siendo les sos caberes actuaciones les que fixo esi mesmu añu en Her Resale Value (1933) y dos papeles ensin creitos en dos producciones de 1934, The Girl From Missouri y One Hour Late.
Gladys Hulette finó en Montebello (California) en 1991. Tenía 95 años d'edá. Los sos restos fueron amburaos y les cenices apurríes a los sos allegaos.
Seleición de la so filmografía[editar | editar la fonte]
- Be Your Age (1926)
- The Mystic (1925)
- The Family Secret (1924)
- The Iron Horse (1924)
- Hoodman Blind (1923)
- Enemies of Women (1923)
- Tol'able David (1921)
- The Active Life of Dolly of the Dailies (1914)
- Alicia nel país de les maravíes 1910
- A Midsummer Night's Dream (1909)
- Princess Nicotine; or, The Smoke Fairy (1909)
Ver tamién[editar | editar la fonte]
Referencies[editar | editar la fonte]
- Fort Wayne (Indiana) News, Gladys Hulette, 13 de setiembre de 1917, Páxina 5.
- Los Angeles Times, She's Champion of Dance Hall Girls, 13 d'abril de 1924, Páxina B19.
- Los Angeles Times, Tell Us What You Think, 14 d'avientu de 1924, Páxina C32.
- Oakland, California Tribune, Gladys Hulette Talks of Old Days as Child in Vitagraph, Sunday Morning, 28 d'agostu de 1921, Páxina 21.
- New York Times, Amusement Notes, 9 de setiembre de 1907, Páxina 7.
- Reno Evening Gazette, Old Favorite Is Seen Again, 9 de setiembre de 1933, Páxina 8.
Enllaces esternos[editar | editar la fonte]
- Gladys Hulette na Internet Movie Database (n'inglés)
- «Gladys Hulette». en Find a Grave. (n'inglés)
- Semeya de Gladys Hulette
Datos: Q1748413
Multimedia: Gladys Hulette