Gil Carlos Rodríguez Iglesias

De Wikipedia
Saltar a navegación Saltar a la gueta
Gil Carlos Rodríguez Iglesias
Juez del Tribunal de Justicia de la Unión Europea Traducir

Vida
Nacimientu Xixón26  de mayu de 1946
Nacionalidá Bandera d'España España
Fallecimientu

Madrid17  de xineru de 2019

(72 años)
Estudios
Estudios Universidá d'Uviéu
Universidá Autónoma de Madrid
Nivel d'estudios doctor Traducir
Llingües castellanu
inglés
francés
alemán
Oficiu
Oficiu xuez, profesor universitariu, xurista, escritor y abogáu
Emplegadores Universidá Complutense de Madrid
Universidá d'Estremadura
Universidá de Granada
Universidá Autónoma de Madrid
Universidá d'Uviéu
Universidá de Friburgu
Tribunal de Xusticia de la Xunión Europea
Premios
Cambiar los datos en Wikidata

Gil Carlos Rodríguez Iglesias (Xixón, 26 de mayu de 1946), ye un xurista español. Foi xuez del Tribunal de Xusticia de la Unión Europea qu'aportó al cargu'l 31 de xineru de 1986. Foi Presidente del tribunal ente'l 7 d'ochobre de 1994 y el 7 d'ochobre de 2003.

Ocupa la cátedra de Derechu internacional públicu na Universidá Complutense de Madrid y ye titular de la Cátedra Jean Monnet de Derechu comuñal européu, amás de direutor del Real Institutu Elcano d'Estudios Internacionales y Estratéxicos.

Apodera'l inglés, l'alemán y el francés, amás del español, la so llingua materna.

Biografía[editar | editar la fonte]

Nacíu en Xixón, Asturies, Gil Carlos Rodríguez Iglesias consiguió la llicenciatura en Derechu en 1968, pola Universidá d'Uviéu. En 1975 llograría'l doctoráu pola Universidá Autónoma de Madrid.

El so llabor docente empezó n'ochobre de 1968, desempeñando'l puestu de Profesor Ayudante de Derechu internacional na Universidá d'Uviéu. Dexaría'l cargu n'avientu de 1969. Ente xineru de 1970 y abril de 1972 sería Wissenschaftlicher Assistent nel Institutu de Derechu Públicu de la Universidá de Friburgu de Brisgovia.

A partir d'ochobre de 1972, ocuparía'l cargu de Profesor Ayudante del departamentu de Derechu internacional de la Universidá Autónoma de Madrid. Nel mes de setiembre de 1974 entraría nel departamentu de Derechu internacional públicu, yá nel cargu de Profesor Axuntu, permaneciendo nél hasta 1982.

En 1982 llograría la plaza de caderalgu de Derechu Internacional Públicu na Universidá d'Estremadura. Al añu siguiente consiguiría la mesma plaza, pero na Universidá de Granada, onde permanecería hasta 2003.

A partir de 1986 compaxinaría'l so cargu académicu en Granada (en servicios especiales) col cargu de xuez del Tribunal de Xusticia de la Unión Europea (TJUE), desempeñando a partir de 1994 la función de presidente del altu tribunal. En 1996 sería investido doctor honoris causa por Universidá de Turín (Italia) y pola Universidá Babes-Bolyai de Cluj Napoca (Rumanía). Un añu más tarde, tamién recibiría'l doctoráu honoris causa de la Universidá del Sarre (Alemaña).

En 2001, recibiría'l so cuartu doctoráu honoris causa na Universidá d'Uviéu, onde se llicenció en Derechu. Finalmente, en 2002, perteneciendo inda a la institución xudicial europea, llograría'l so postreru doctoráu HC pola Universidá San Clemente de Ohrid de Sofía, Bulgaria. Dexaría'l TJUE en 2003, y n'avientu del mesmu añu ocuparía la cátedra de Derechu internacional públicu de la Universidá Complutense de Madrid. En septiembre de 2004 llograría la cátedra Jean Monnet de Derechu comuñal européu de la mesma universidá.

Ente 2004 y 2005 sería direutor del Departamentu d'Estudios Europeos del Institutu Universitariu de Investigación Ortega y Gasset, y a partir de xunu de 2005, direutor del Real Institutu Elcano d'Estudios Internacionales y Estratéxicos.

Rodríguez Iglesias ye miembru numerario de l'Asociación Española de Profesores de Derechu Internacional y Rellaciones Internacionales (AEPDIRI).

N'ochobre de 2010 foi investido Doctor Honoris Causa pola Universidá de Cádiz. El 3 de payares de 2017 foi-y concedida la gran cruz de la Orde Civil d'Alfonso X el Sabiu.[1]

Obra[editar | editar la fonte]

  • El réxime xurídicu de los monopolios d'Estáu na Comunidá Económica Europea, Institutu d'Estudios Alministrativos, Madrid 1976.
  • Rechtsprobleme des Beitritts Spaniens zur Europäischen Gemeinschaft (Vortrag im Europa-Kolleg Hamburg), Hamburgu, 1985.
  • El Derechu comuñal européu y la so aplicación xudicial, (empobináu conxuntamente con D.J. Liñán Nogueras), Civitas, Madrid 1993.
  • Política, Economía y Derechu nel Procesu d'Integración Europea, Seminariu sobre "Unión Europea y Mercorsur: El papel de los órganos xurisdiccionales nos procesos d'integración", Asunción, 1997.
  • La dimensión constitucional del Derechu Comuñal Européu Discursu d'ingresu como Académicu Honorariu na Academia Asturiana de Xurisprudencia, Uviéu, 1998.
  • Mélanges en hommage à Fernand Schockweiler (empobináu conxuntamente con Ole DUE, Romain SCHINTGEN y Charles ELSEN), Nomos, Baden-Baden, 1999.
  • Problèmes d´interprétation. À la mémoire de Constantinos N.Kakouris (presidente del Comité editorial), Ant. N. Sakoulas / Bruylant, Atenes – Komotini / Bruxeles, 2003.
  • Europa und seine Verfassung. Festschrift für Manfred Zuleeg (empobináu conxuntamente con Charlotte Gaitanides y Stefan Kadelbach), Nomos, Baden-Baden 2005,2ª ed. 2007

Ver tamién[editar | editar la fonte]

Referencies[editar | editar la fonte]








Gil Carlos Rodríguez Iglesias