Gallaecia

Coordenaes: 42°45′18″N 7°51′58″W / 42.755°N 7.8661°O / 42.755; -7.8661
De Wikipedia
Gallaecia
(de 15 edC a 409)
Reinu suevu
provincia romana
Alministración
Rexón histórica[[Hispania|{{{2}}}
Xeografía
Coordenaes 42°45′18″N 7°51′58″W / 42.755°N 7.8661°O / 42.755; -7.8661
Cambiar los datos en Wikidata

Gallaecia foi una provincia romana del noroeste de la Península Ibérica qu'abarganaba lo que güei son les comunidaes autónomes de Galicia y d'Asturies, les provincies de Lleón y de Zamora, y el norte de Portugal. La so capital taba en Bracara Augusta (Braga).

Orixe[editar | editar la fonte]

Los romanos diéron-y el nome de Gallaecia al noroeste de la Península Ibérica polos callaeci, que constituyíen una conxuntu pueblos más o menos aceltizaos que vivíen ente'l Duero y el Miño, que los romanos conocen pela primer vegada cola aportada de Décimu Xuniu Brutu, El Galaicu, al norte del Duero nel 139 e.C..

Los pueblos celtes de la Gallaecia faen la so entrada na historia escrita nel sieglu I na épica Púnica de Silio Itálico sobro la Primer Guerra Púnica d'un xeitu qu'entá güei mos ye familiar, dos mil años dempués.

Fibrarum et pennae diuinarumque sagacem /

flammarum misit dives Callaecia pubem, / barbara nunc patriis ululantem carmina linguis, / nunc pedis alterno percussa verbere terra, /

ad numerum resonas gaudentem plaudere caetras —Libro III. 344-347
"La bayurosa Gallaecia unvia a la so mocedá, conocedora de l'aldovinación poles entrañes de les besties, pol esnalíu de les aves y poles llames divines, qu'o bien glayaba bárbaros cánticos nes sos llingues patries o bien, tres triar la tierra con güelpes alternos de pie, allegrábense de bater rítmicamente los sonoros escudos".

Llendes y dixebres[editar | editar la fonte]

Gallaecia, dende la reforma de Dioclecianu, dixebrábase nos siguientes conventos:

  • Conventus Lucensis, con capital en Lucus Augusti, abarcaba aproximao les provincies actuales d'A Coruña, Lugo, norte de Pontevedra, una parte d'Ourense y l'occidente d'Asturies (fasta'l Navia).
  • Conventus Asturiensis, con capital n'Astúrica Augusta, abarcaba bona parte de l'Asturies d'anguaño, Lleón, l'oeste de Zamora, este d'Ourense y el nordeste de Portugal.

Historia[editar | editar la fonte]

Los Callaeci ("καλλαικοι" en griegu) enfréntense a les fuercies romanes nel 137 e.C. nuna batalla nel ríu Duero, que resulta en derrota pa ellos. Décimo Xunio Bruto vuelve como vencedor, y recibe del Senáu'l títulu de Callaecus. Decimo Xunio Bruto nun pretendió ocupar la zona sur de la Gallacecia, sinón que llevó a cabu una espedición de castigu escontra esti pueblu, por mor de les sos razzies nel área lusitana.

Partió de Portus Cale, que se correspuende col actual O Porto. Les sos lexones avanzaron pela costa col sofitu de la flota y ocuparon una riestra castros costeros. Allugó una guarnición nel llugar de l'actual Valença y depués adentróse cara Braga. Tres d'una batalla victoriosa avanzó cara Limia y ocupó la ciudá de Lambrica, pa cruciar depués el ríu Miño.

Estes campañes nun tuvieron una gran importancia y llimitáronse a una zona xeográfica mui concreta: el sur de Gallaecia, con especial incidencia na zona costera.

El mesmu xuiciu históricu ameriten una riestra d'espediciones posteriores como les de P. Craso del 96- 94 e.C., o la de Xulio César nel 62 e.C. na que, movíu pol so deséu de consiguir riqueza, llegaría con una espedición hasta Brigantium. Pero la conquista definitiva del noroeste de la península nun se realizaría hasta l'emperador Augustu ente'l 26 y el 19 e.C. nel contestu de les guerres cántabres.

De primeres, Augustu inclúi'l territoriu de Gallaecia na Lusitania, pero yá nel 13 e.C. pasa a la Hispania Citerior. El mesmu Augustu reforma la dixebra provinciana d'Hispania nel 27 e.C., incluyendo Gallaecia na provincia Tarraconense. Con Caracalla quiciabes formó parte, yá con Asturies y Cantabria, de la Hispania Nova Citerior Antoniana, (214), pero nun foi hasta la reforma de Dioclecianu -que dixebró Hispania nel 298 en siete provincies- que se constitúi la Provincia de la Gallaecia.

Demientres la dómina Flavia prodúcense una riestra de decisiones que tuvieron una fonda importancia política. La concesión del Ius Latii traxo consigo un escomanáu cambéu tanto nel ámbitu urbanu, col incrementu de la población nos nucleos urbanos yá esistentes y la creación de nuevos, como nel rural. Esto trayería consigo un incrementu xeneralizáu de la riqueza de la población, que na práutica nun se tendría constancia al traviés de los restos arqueolóxicos. El retrasu económicu sería mayor nel conventu Lucense que nel Bracarense si comparamos estos territorios colos más desarrollaos de la Península Ibérica y agravóse más colos Antoninos.

D'esti xeitu, anguaño nun se pue falar pa Gallaecia de la esistencia d'una economía cincada nel emplegu de cutio de la moneda. Gallaecia vivió fundamentalmente so la base d'una economía natural cincada nel troquéu, hasta mediaos del sieglu III y, más nidiamente, fasta'l sieglu IV.

Ver tamién[editar | editar la fonte]

Bibliografía[editar | editar la fonte]

  • Balboa Salgado, Antonio. Gallaecia nas fontes clásicas, Universidá de Santiago de Compostela. (Santiago de Compostela, 1996). ISBN 84-8121-512-0
  • García Fernández-Albalat, Blanca. Guerra y religión en la Gallaecia y la Lusitania antiguas. Sada. Ediciós do Castro (1990) ISBN 84-7492-475-8
  • Tranoy, A. La Galice Romaine. Recherches sur le nord-ouest de la péninsule ibérique dans l'Antiquité. Diffusion de Boccard (Paris, 1981)

Referencies[editar | editar la fonte]

Enllaces esternos[editar | editar la fonte]