Galicia (Europa central)

De Uiquipedia
Saltar a: navegación, buscar
Pa otros usos d'esti términu, véase Galicia (dixebra). Disambig.svg

Galicia (Galicja en polacu) ye una rexón de Polonia asitiada al sur d'esti estáu na actualidá. Nel so territoriu atópase'l santuariu de Czestochowa, llugar au entamó la so andadura eclesiástica'l papa Xuan Pablu II, asina como los territorios averaos a Cracovia au los nazis instalaron los campos de concentración d'Auschwitz, Treblinka y Birkenau.

Hestoria[editar | editar la fonte]

Lligada al principáu de Kiev dende'l sieglu IX, dende'l sieglu XII convirtióse nún de los más prósperos principaos rusos. En 1349, Casimiru'l Grande incorporó la parte occidental a Polonia, demientres la oriental pasó al poder del duque de Lituania. Pol primer repartu de Polonia, en 1772, pasó a Austria, qu'en 1809 cedió la Galicia occidental con Cracovia a Napoleón, que-y anexonó'l ducáu de Polonia, y la parte suroeste a Rusia. Na Primera Guerra Mundial foi invadida por Rusia, y cedida a Polonia en 1919. Tres de la invasión de Polonia por Alemaña en 1939, quedó dixebrada ente esta y la Xunión Soviética. En 1945 Polonia cedió la Galicia oriental a la XRSSS, que la incorporó a la República Socialista Soviética d'Ucraína.