GJ 2012

De Wikipedia
Saltar a navegación Saltar a la gueta
18-11-2026 00:00
GJ 2012
Constelación Cetus
Ascensión reuta α 00h 41min 26,1s
Declinación δ -22º 21’ 04’’
Distancia 29,5 años lluz
Magnitú visual +14,60
Magnitú absoluta +14,72
Lluminosidá 0,000114 soles
Temperatura 5210 K
Masa 0,52 soles
Radiu ?
Tipu espectral DC

GJ 2012 (LHS 1126 / G 66-57 / WD 0038-226)[1] ye una nana blanca de magnitú aparente +14,60 asitiada na constelación de Cetus. Midíes precises de la so paralax asítienla a una distancia de namái 29,5 años lluz del Sistema Solar.[2]

GJ 2012 ye una nana blanca de tipu espectral DC. El so espectru presenta unes suaves llinies d'absorción asemeyaes a les bandes de Swan reparaes n'oxetos de tipu DQ; piénsase que son bandes de Swan movíes pola presión que pueden tar acomuñaes a bandes de Swan producíes por C2 altamente escitáu. La so atmósfera ta enllena d'heliu, unes 400 más abondosa qu'el hidróxenu.[2]

GJ 2012 ye una nana blanca fría con una temperatura efectivo de 5210 ± 130 K —una quinta parte de la de Siriu B y unos 1550 K más fría que la Estrella de Van Maanen— consecuencia del so llargu tiempu d'enfriamientu, envaloráu en 4370 ± 180 millones d'años. A diferencia del restu de les estrelles, les nanes blanques nun xeneren enerxía por fusión nuclear, sinón que radien al esterior l'escesu de calor a un ritmu constante. Col pasu del tiempu, la so temperatura superficial va baxando, procesu que trai un amenorgamientu na lluminosidá. Por ello, GJ 2012 tien una baxa lluminosidá que supón namái'l 0,011% de la lluminosidá solar. La so masa averada ye de 0,52 mases solares.[2]

Referencies[editar | editar la fonte]