G8

De Uiquipedia
Saltar a: navegación, buscar
Estaos miembros del G8.

El Grupu de los Ocho, o G8, ta integráu poe Canadá, Francia, Alemaña, Xapón, Italia, Estaos Xuníos d'América, Reinu Xuníu y Rusia. El G8 organiza una cume añal de cabeces d'estáu p'aldericar sobre temes económicos y políticos.

Historia[editar | editar la fonte]

El G8 surdió de la crisis petrolera mundial de 1973 y la recesión global subsiguiente. Los problemes mundiales motivaron la formación del Grupu de la Biblioteca, un conceyu de ministros y espertos financieros de los Estaos Xuníos d'América, Europa y Xapón pa tratar temes económicos.

En 1975 el presidente francés Valéry Giscard d'Estaing convidó a los cabezaleros de seis países desendolcaos democráticos a una cume a Rambouillet, y propunxo la creación de cumes regulares. Los participantes alcordaron aconceyar añalmente nuna cume dirixida por un presidente rotativu. Esti foi l'orixe del que se denomó popularmente'l Grupu de los Seis (G6), integráu por Francia, Alemaña Occidental, Italia, Xapón, Reinu Xuníu, y Estaos Xuníos d'América. El presidente norteamericanu Gerard Ford suxirió convidar a Canadá pa la segunda cume, y el grupu convertiríase asina nel Grupu de los Siete (G7).

En 1991, depués del fin de la Guerra Fría, la Xunión Soviética entamó a aconceyar col G7 depués de la cume principal. Esti grupu foi conocíu como P8 (L'Ocho Políticu), o coloquialmente como "G7 más 1". Depués de la cume de 1994, permitióse que Rusia participara como miembru plenu de magar la cume de 1998 en Birmingham, Reinu Xuníu, creando asina oficialmente'l Grupu de los Ocho. Pero, Rusia foi escluyida del conceyu de los ministros financieros, yá que nun se consideraba una potencia económica importante, y poro'l nome G7 anguaño ye la cume de ministros financieros específicamente. La participación de Rusia nun tuvo llibre de controversies. El 18 de febreru de 2005, los senadores norteamericanos Joe Lieberman y John McCain pidieron que Rusia nun fuera invitada, hasta que'l presidente rusu Vladímir Putin ficiera reformes verdaderamente democrátiques.

Estructura y actividaes del G8[editar | editar la fonte]

El G8 nun ye una organización con una alministración tresnacional, a diferencia d'otres instituciones. La presidencia del grupu ye rotativa ente los estaos miembros añalmente. L'estáu que tien la presidencia tien que facer conceyos ministeriales, la cume de trés díes de los cabezaleros de cada estáu y asegurar la seguridá de los participantes.

Los conceyos ministeriales traten temes como la sanidá, el cumplimientu de la llei, la ocupación y otros temes importantes pa los estaos miembros. El más importante ye'l G7, colos ministros d'economía del G8 sacantes Rusia, pero, inclúi representantes de la Xunión Europea. Tamién faise un conceyu más curtiu, conocíu como'l G8+5, qu'inclúi a México, Brasil, China, India y Sudáfrica.

Ver tamién[editar | editar la fonte]

G8
Wikimedia Commons tien archivos rellacionaos con: