Güertu frutal

De Wikipedia
Saltar a navegación Saltar a la gueta
Cultivu de mazanes nun güertu frutal.

Un güertu frutal ye una área de terrén dedicáu al cultivu d'árboles o parrotales que producen frutos pa la producción d'alimentos.

Pa la creación d'un güertu frutal ye necesariu esaminar les característiques del terrén, teniendo en cuenta les característiques del suelu, la orografía y el clima de la rexón, pa poder cultivar los árboles o parrotales más afechos a la zona pa llograr la máxima productividá.

Los árboles y parrotales son especies perennes y maderices, estremándose en dos grandes grupos de fueyes caduques y de fueyes perennes, caúna con un ciclu biolóxicu distintu.

A efectos de productividá de la plantíu, tien de tenese en cuenta la preparación del suelu y, si fora necesariu, dependiendo de la zona de cultivu, la preparación d'un sistema de riego, en función de les sos necesidaes hídriques. L'estudiu de la polinización tamién xuega un papel central nel desenvolvimientu del güertu frutal.

L'estudiu del clima nel que tien de desenvolvese'l güertu tien de tener en cuenta les sos variaciones, pa dotase de les técniques que pueden lluchar contra'l cambéu repentín del mesmu. Los güertos frutales tienen de combinar instalaciones fayadices pa protexer les flores y la maduración de los frutos. En zones templaes nun son rares les xelaes tardíes que pueden afectar al floriamientu de los árboles, según mientres el branu, nun se debe subestimar el riesgu de xarazo repentín que puede estropiar la maduración de la fruta. En zones de clima fríu, pueden llindase los riesgos por aciu la seleición de variedaes más resistentes a les xelaes, como plantes más rústiques o de floriamientu más tardida.

Enllaces esternos[editar | editar la fonte]




Huerto frutal