Fotocromu
El fotocromu ye una téunica de coloreu que combina fotografía en blanco y negro y litografía en color. Tamién puede referise a les primeres postales realizaes en color n'Estaos Xuníos.
El fotocromu emplégase pa crear una impresión en color a partir d'un negativu d'una fotografía en blanco y negro, usando ente cuatro y catorce plaques litográfiques, feches de sustancies rocoses, pa colorear la pintura con distintos tintes.
La téunica desendolcóse en Zúrich, y foi popularizada pola Detroit Photographic Company. Cuando'l Congresu de los Estaos Xuníos autorizó les postales d'un penique, imprimiéronse miles de fotocromos de ciudaes y paisaxes. Poro'l términu fotocromu quedó acomuñáu al aspeutu d'aquelles postales.
Historia[editar | editar la fonte]
El procesu foi inventáu na década de 1880 por Hans Jakob Schmid (1856–1924), un emplegáu de la compañía suiza Orell Gessner Füssli, una empresa d'imprenta con una hestoria que s'estiende hasta'l sieglu XVI. Füssli fundó la compañía Photochrom Zürich (más tarde Photoglob Zürich AG) como'l vehículu para la esplotación comercial del procesu. Dambos, Füssli y Photoglob, siguen esistiendo güei. A partir de la metá de los años 1890s, el procesu foi autorizáu pa otres compañíes, incluyendo nos Estaos Xuníos la Photochrom Company de Londres.
El procesu de fotocromu popularizóse na década de 1890, cuando la fotografía en color taba siendo desendolcada pero siguía siendo comercialmente inaccesible.
En 1898 el Congresu d'Estaos Xuníos aprobó la Private Mailing Card Act, que dexó a los editores privaos producir timbres postales. Podíen ser unviaos per un centavu caún. Miles d'impresiones de fotocromu fueron creaes, usualmente de ciudaes o paisaxes, y vendíes como postales, y ye nesi formatu nel que les reproducciones de fotocromu algamaron más popularidá. La Compañía Fotográfica de Detroit (The Detroit Photographic Company) produxo cerca de siete millones d'impresiones en fotocromos en dellos años.
Depués de la Primer Guerra Mundial, que traxo al so fin la fiebre de coleccionar tarxetes postales de fotocromu, el principal usu foi reproducir cartelos. La última imprenta de fotocromu funcionó hasta 1970.
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Fotocromu.
| Control d'autoridaes |
|
|---|
Datos: Q285774- Multimedia: Photochrom pictures