Fo-Hi

La Fo-Hi ye una bisarma de la mitoloxía china con gran talentu organizador que se representa con cabeza de güe y cuerpu de dragón.

La so nacencia foi una maravía, yá que se pasiaba pela vera del ríu Fo-hi la fía d'un señor llamáu Hoa-Sse, cuando posó'l pie na buelga d'un grande home; trescalada n'estremu viose arrodiada d'una gran rellumada y trescurríos dolce años, al cuartu día de la dévisu lluna a medianueche dio a lluz a Fo-Hi.

A él débense los ocho primeros símbolos kua, primeros signos gráficos de los chinos, análogos pola so cencellez y combinaciones a los elementos de la escritura cuneiforme d'Asiria.

A Fo-Hi atribúyese-y el I-King. Tamién estableció dellos ministerios por que curiaren de los distintos ramos de les alministraciones, llamándose dragón ocultu al encargáu de formar el calendariu. Instituyó'l matrimoniu, interesóse pola astronomía, inventó armes de madera y fabricó una llira de 27 cuerdes de seda que, pulsiaes por él, despedíen soníos celestiales.

Enllaces esternos

• Wikimedia Commons tien conteníu multimedia tocante a Fo-Hi.

• Datos: Q8961908