Ferran Bel Accensi
_(cropped).jpg)
.svg){kind=small}
Ferran Bel Accensi (1 de xunu de 1965, Tortosa) ye un políticu catalán, alcalde de Tortosa y senador per Tarragona na X llexislatura y diputáu nel Congresu na XI y XII llexislatures.
Biografía[editar | editar la fonte]
Ye llicenciáu en Ciencies Económiques y Empresariales pola Universidá de Barcelona, onde tamién fixo posgráu en facienda autonómica y llocal.
En 1991 fundó una empresa dende la qu'exerció como asesor fiscal. Foi profesor acomuñáu de la Universidá de Barcelona y profesor de Réxime Fiscal d'Empreses de la Universidá Rovira i Virgili de 1990 a 2005. Militante de Converxencia Democrática de Cataluña dende 1995, foi presidente llocal en 2002. Nes eleiciones municipales españoles de 2003 foi escoyíu conceyal del conceyu de Tortosa y voceru del grupu municipal. Nes eleiciones municipales españoles de 2007 convirtióse alcalde de Tortosa con sofitu d'ERC, cargu que revalidó nes eleiciones municipales españoles de 2011 con mayoría absoluta, y 2015 con mayoría simple.[1][2]
Foi presidente del Conseyu Comarcal del Baix Ebre ente 2003 y 2007. Nes eleiciones de 2011 foi escoyíu senador por CiU pola provincia de Tarragona, y nes eleiciones xenerales de 2015 y 2016 foi escoyíu diputáu por Democracia y Llibertá.[3][4]
Referencies[editar | editar la fonte]
- ↑ Ajuntament de Tortosa. «Alcaldes de Tortosa» (catalán). Consultáu'l 5 de xunetu de 2017.
- ↑ Ajuntament de Tortosa. «Biografia de l'alcalde de Tortosa, Ferran Bel Accensi» (catalán). Consultáu'l 5 de xunetu de 2017.
- ↑ Senado. «Ficha del Senador». Consultáu'l 5 de xunetu de 2017.
- ↑ Congreso de los Diputados. «Bel Accensi, Ferran». Consultáu'l 5 de xunetu de 2017.
| Control d'autoridaes |
|
|---|
Datos: Q14122374
Multimedia: Ferran Bel