Estatutu albertino

De Wikipedia
Saltar a navegación Saltar a la gueta

L'Estatutu fundamental de la Monarquía de Saboya 4 de marzu 1848 (Statuto albertino) foi robláu'l 4 de marzu de 1848 por Carlos Alberto de Saboya y se autodefine como la Llei fundamental, perpetua y irrevocable de la Monarquía» Saboyana, siendo reemplazada en 1948 pola Constitución de la República Italiana.

Preámbulu[editar | editar la fonte]

CARLOS ALBERTO, pola gracia de Dios

REI DE CERDEÑA, DE CHIPRE Y DE JERUSALÉN

Con llealtá de Rei y con ciñu de Padre Nós venimos güei a cumplir cuanto anunciáramos a Los nuesos amadísimos súbditos con Nuesa proclama del 8 del pasáu febreru, cola cual quixímos demostrar, metanes los eventos estraordinarios qu'arrodiaben al país, como El nuesu enfotu nellos crecía cola gravedá de les circunstancies y como tomando solo'l conseyu de los impulsos d'El nuesu corazón foi roble La nuesa intención de conformar les sos suertes a la razón de los tiempos, a los intereses y a la dignidá de la Nación.

Considerando Nós les anches y fuertes instituciones representatives conteníes nel presente Estatutu Fundamental como un mediu'l más seguru de doblar colos venceyos de indisoluble ciñu qu'estrechen a la Italia Nuesa Corona un Pueblu, que tantes pruebes Dionos de fe, d'obediencia y d'amor, determinemos sancionalo y promulgalo, nel enfotu que Dios bendi Nueses pures intenciones y que la Nación llibre, fuerte y feliz va amosase siempres más digna que l'antigua fama, y va saber merecese un gloriosu futuru. Por ello de Nuesa cierta ciencia, Regia autoridá, cuntando col dictame d'El nuesu Conseyu, ordenemos y ordenamos en fuercia d'Estatutu y Llei fundamental, perpetua y irrevocable de la Monarquía, cuanto sigue:

El Preámbulu del Estatutu

Historia[editar | editar la fonte]

Foi la resultancia de los movimientos promovidos polos burgueses, nos cualos tamién participó la clase aristocrática, nes principales ciudaes del Reinu de Cerdeña.

Carlos Alberto nel 1837 emanó el Códigu Civil, siguíu del Códigu Penal (1839), dexó la publicación de los periódicos con artículos rellacionaos cola política (1847); creó, años más tarde una Corte de Revisión ("Corte de Cassazione") p'asegurar la uniformidá de la xurisdicción nel estáu, amenorgando los cargos de los vieyos Senaos y publicando un procedimientu penal basáu n'aldericar los diversos asuntos y problemes de la nación. Basáu nes idees austriaques, modernizó la composición del Conseyu d'Estáu creáu nel 1831, al cual asignó dos representantes per cada división territorial, de la mesma representaes polos respeutivos Conseyeros provinciales.

Carlos Alberto decidió preparar una declaración de principios, que convertiríase na base del estatutu, proclamóse'l 8 de febreru de 1848 esto ye tres díes primero que el Gran Duque de Toscana tomara la mesma decisión. Tales bases indicaes en catorce puntos fueron concedíes pola arrogancia benévola del monarca. D'esta manera Carlos Alberto aselara a los democratás y lliberales.

El Conseyu de la Conferencia, encargáu de preparar la carta, tenía como oxetivu principal carauterizar ente los modelos constitucionales europeos, aquel afaigo a satisfaer les necesidaes del Reinu de Cerdeña, y que produxera'l menor cambéu al internu de les órdenes institucionales. Esti modelu vieno carauterizáu na constitución orleanista de 1830 y na belga de 1831. Pocos díes dempués, ente'l 23 y el 24 de febreru cola revolución, en París poníase-y fin tantu a la monarquía como a la Constitución.

Significáu[editar | editar la fonte]

Siendo'l Estatutu Albertino una carta dada pol monarca (carta ottriata, del francese octroyée: concessa dal sovrano), el so preámbulu cubre una importancia particular. Tamién se debe notar como la carta nun vien carauterizada como una Constitución. Dende los sos entamos l'estatutu definióse como una forma de monarquía constitucional, pero resultó ser una forma de monarquía parllamentaria, polo tanto en cuenta de ser ríxida, esto ye, perpetua y irrevocable, yera de naturaleza flexible (de fechu yera fácilmente modificable con una llei ordinaria).

El primer cambéu fechu pol estatutu foi relativa a la bandera, que foi camudada d'el color azul a los color tricolor (verde, colloráu y blancu) en conmemoración a la rebelión Lombardu-Veneto contra'l dominiu austriacu en 1848. El fechu que'l documentu relevárase lagunoso, ambiguu y xenéricu apaeció como un defectu, sicasí foi reveláu una ventaya. El testu del estatutu caltúvose virgente hasta la llegada del periodu fascista.

Defínese l'Estatutu Albertino como una carta que correspuende a una constitución curtia: llindar a declarar los derechos (los cualos refiérense a la llibertá del Estáu), y a carauterizar la forma de gobiernu. Reconoz los principios d'igualdá (art. 24: "Tolos habitantes del reinu, cualesquier seya los so títulu o grau, son iguales delantre la llei. Toos gocien igualmente los derechos civiles y políticos, y son almitíos nos cargos públicos civiles y militares salves les esceiciones determinaes pola Llei".), la llibertá individual (art. 26: "La llibertá individual ta garantida. Naide puede ser arrestáu, o lleváu a xuiciu, si non nos casos previstos pola llei, y na forma qu'ella prescribe".), la llibertá de prensa (art. 28: "La Prensa va ser llibre, pero una llei va reprimir los abusos. Inda les biblies, los catecismos, los llibros llitúrxicos y de plegaries nun van poder ser impresos ensin el permisu del Obispu."), la llibertá de xunta (art. 32: "Ta reconocíu'l derechu d'axuntase pacíficamente y ensin armes, conforme a les lleis que pueden regular l'exerciciu nel interés de la cosa pública. Esta disposición nun ye aplicable a les xuntes en llugares públicos o abiertos al públicu, que queden dafechu suxetos a les lleis de policía."). La relixón nel Reinu de Cerdeña yera de calter confesional, esto ye aceptábase solo la relixón católica.

El Rei y el Gobiernu[editar | editar la fonte]

La monarquía yera, según la llei sálica, de calter hereditaria y constitucional. El rei tenía los poder supremo y la so persona calteníase sagrada y inviolable, anque esto nun significa que nun tendría que respetar les lleis. L'artículu 22 axusta: «El Rei, xubiendo al tronu, empresta en presencia de les cámares axuntaes el xuramentu de reparar llealmente l'Estatutu».

Enllaces esternos[editar | editar la fonte]




Estatuto albertino