Espumeru

Espumeru
Información
Conexones	mitoloxía asturiana
[editar datos en Wikidata]

Los espumeros, primos-hermanos de los Ventolinos, son trasgos de la mar, son estremadamente pequeños y visten un traxe d'ocle, lleven bígaros que-yos dan les serenes, a cambiu de collares de flores, polo que n'ocasiones salen a tierra a recoyer diches flores. Esisten dos clases d'espumeros:los morenos, que tienen güeyos perrellumantes polo que suelen ponese delantre de los barcos en díes de nublina pa llevalos a puertu. Éstos van coronaos d'algues y usen un caracol marín como trompa. Los otros espumeros son roxos, éstos salen a tierra firme pa metese nes cases de los mariñanes, pa lleva-yos noticies d'estos a les sos families o viceversa.

Si hai tremolina o mal tiempu, abellúguense nes cueves de la costa. Escribi Jove y Bravo:"Eses borrines que munches vegaes vienen rodando sobro la superficie del mar a estrellese escontra'l cantil, y que s'esfaen el milenta pedazos nos sos picos ya cortes, nun son tales borrines, sinón lexones d'Espumeros, rebozaos nos sos mantes, y que van a abellugase a los sos llares."

Referencies

• Datos: Q11065067