Manuel Abad y Queipo
Manuel Abad y Queipo | |||
|---|---|---|---|
1811 - ← Marcos de Moriana y Zafrilla - Juan Cayetano Gómez de Portugal y Solís → Diócesis: Diócesis de Michoacán (es)  | |||
| Vida | |||
| Nacimientu | Villarpedre, 1751[1] | ||
| Nacionalidá |
 España | ||
| Muerte |
Monasterio de Santa María de Sisla (es) , 1825[1] (73/74 años) | ||
| Estudios | |||
| Estudios |
Universidá de Guadalajar Universidá de Salamanca | ||
| Llingües falaes | castellanu[2] | ||
| Oficiu | sacerdote católicu, políticu | ||
| Creencies | |||
| Relixón | Ilesia Católica[3] | ||
 | |||
Manuel Abad y Queipo (1751, Villarpedre – 1825, Monasterio de Santa María de Sisla (es) ) foi un relixosu asturianu qu'exerció'l cargu d'obispu de Michoacán en Méxicu, coles mesmes aportó a ministru n'España.
Biografía[editar | editar la fonte]
Dempués d'estudiar en Cataluña pa sacerdote foi destináu a América. Ellí foi escoyíu obispu de Valladolid, nel estáu mexicanu de Michoacán. Propunxo delles reformes na alministración pa evitar la insurrección de los nativos, amosó ante Fernandu VII (1814) el so desalcuerdu cola actuación del virréi Calleja,[4] lo que-y valió ser acusáu de traición pol Santu Oficiu, pos defendió énte la Rexencia una llexislación agraria que dexara el repartu a los indios de tierres realengues y el so accesu al cultivu de los llatifundios.
En 1816 foi nomáu Ministru de Gracia y Xusticia por Fernandu VII, anque namái ocupó'l so cargu mientres tres díes, yá que foi destituyíu.
En produciéndose'l llevantamientu y criticar l'actuación española tuvo qu'encarar delles acusaciones énte la Inquisición n'España, a pesar de la so postura contraria a la sublevación y d'haber escomulgáu al insurxente Miguel Hidalgo. Finalmente, foi absueltu de l'acusación de traición a la corona, pero la «Sagrada Congregación del Índice» prohibió la so obra titulada «Breve exposición sobre el Real Patronato y sobre los derechos de los obispos electos de America, que en virtud de los reales despachos de presentación y gobierno administran sus iglesias antes de la confirmación pontificia.»
En 1820 foi escoyíu obispu de Tortosa, anque ocupó'l cargu de manera informal mientres el Trieniu Lliberal, yá que nun recibió la confirmación papal. En 1823, escorríu, de nuevu, polos absolutistes, foi recluyíu nel monesteriu toledanu de Sisla, onde pasó los sos dos últimos años de vida y onde finó enantes de cumplir la conderga de 6 años que-y fuera impuesta.
Edictos y cartes publicaes[editar | editar la fonte]
- Edicto instructivo sobre la revolución del cura de los Dolores y sus secuaces, en 1810.
- Carta pastoral sobre la insurrección de los pueblos del Obispado de Michoacán, en 1811.
- Carta pastoral sobre el riesgo que amenaza la insurrección de Michoacán a la libertad y a la religión, en 1813.
Referencies[editar | editar la fonte]
- ↑ 1,0 1,1 Afirmao en: SNAC. Identificador SNAC Ark: w65b2f6n. Apaez como: Manuel Abad y Queipo. Data de consulta: 9 ochobre 2017. Llingua de la obra o nome: inglés.
- ↑ «idRef» (francés). Agencia Bibliográfica de Enseñanza Superior. Consultáu'l 5 marzu 2020.
- ↑ Afirmao en: Catholic-Hierarchy.org. Identificador Catholic Hierarchy de persona: abad. Data de consulta: 13 ochobre 2020. Llingua de la obra o nome: inglés.
- ↑ Zárate, 1880; 520-521:
Bibliografía[editar | editar la fonte]
- Zárate, Julio, «La Guerra de Independencia», en Vicente Riva Palacio, La Guerra de Independencia, III volume, México: Ballescá y compañía, http://www.archive.org/stream/mxicotravsde03tomorich#page/520/mode/2up, consultáu'l 11 de mayu de 2010.
Datos: Q1891420