Antroxu

Un Guirriu, personax tradicional nel Antroxu d'Asturies

Neña n'Antroxu de Xixón

Nota: Antroxu refierse a cualisquier persona que se vista o mazcare pa facese pasar por otra, esti artículu fala de la fiesta tradicional de los antroxos.

L'antroxu ye una fiesta na que la xente camuda la so apariencia antroxándose y na que, aprovechando l'anonimatu, acostúmese a facer trastaes y pequeñes chancies a los demás. Nel antroxu tópense dellos rasgos de vieyes folixes paganes d'iviernu, de cellebraciones griegues de Nisiu o de fiestes romanes.

Na vieya sociedá rural, fuertemente marcada pol cristianismu, el tiempu d'enantes de la Cuaresma la xente mazcarábase como ritu de raigañu paganu y imponíase un tiempu de permisividá que s'oponía a la represión de la sexualidá y a la severa formalidá llitúrxica de la Cuaresma.

N'Asturies, los personaxes más representativos del Antroxu son los Guirrios (conceyos de Llangréu y Samartín del Rei Aureliu) o Sidros (Conceyu de Siero). Nestes fiestes ye típicu un postre asturianu perconocíu: el frixuelu o fayuelu, fechu a base de fariña, lleche y güevos.

Xeografía del antroxu

Los sitios que destaquen especialmente por tener fiestes d'Antroxu son Rio de Janeiro y Salvador de Bahia en Brasil, Venecia n'Italia, Nueva Orleans y Mobile (Alabama) n'Estaos Xuníos, Santa Cruz de Tenerife, Las Palmas de Gran Canaria, Badajoz, Cádiz, Avilés, Tolosa (Gipuzkoa) Villarrobledo (Albacete) n'España, y Montevideo n'Uruguay.

N'Alemaña (Colonia,Düsseldorf, Maguncia y Múnich) son bastante conocíes polos antroxos, desfiles y boles decoraes, que nel sur d'Alemaña nomanse fasching.

• Antroxu en Galicia
  Antroxu en Galicia
• 
  Antroxu de Rio de Janeiro
• 
  Antroxu en Venecia

Enllaces esternos

• Guirrios/Sidros en Valdesoto
• Antroxu en Villarrobledo