Barbie

Barbie ye la moñeca de xuguete más afamada y vendía del mundu. Creyóse'l 9 de marzu de 1959 na American International Toy Fair, feria del xuguete. Foi creyada por Ruth Handler esposa d'Elliot Handler, co-fundador de la empresa Mattel.

El nacimientu de Barbie

Nos años 50, Ruth Handler decatose de que la so fía (Barbara), prestába-y xugar más coles moñeques con carauterístiques adultes, n'arrou de les infantiles. Daquella, la mayor de les moñeques que se facíen yeren infantiles. Nestes vio un negociu dable, y propúnxo-ylo al so esposu y cofundador de Mattel, magar qu'esta idega nun aportaría a bon puertu, darréu de la reaición qu'amosó el direutor de Mattel.

Elliot Handler, l'esposu de Ruth, durante un viaxe a Alemaña, descubrió una moñeca nun escaparate, denomada «Lilli». La moñeca en custión entamó a vendese a homes, pasando llueu a les neñes. «Lilli» aportó a ser tan afamada que trespasó les llendes alemanes, algamando los Estaos Xuníos.

Dempués d'esto, Mattel, tres d'haber refugao la idega de Ruth Handler, mercó tolos drechos de «Lilli». Diéron-y un cambéu na so imaxe, un nuevu cuerpu y nuevu nome, Barbie, n'honor a la fía de Ruth, Barbara. Cuando taba too tresnao, decidieron facer el ñacimientu de Barbie el 9 de marzu de 1959 na American International Toy Fair, calteniendo esa data, como'l cumpleaños oficial de la moñeca.

Nel so debú, Barbía, llucía un peñáu roxu al mou de los años 60, con un bañador estampáu asemeyáu al pelleyu d'una cebra. A lo llargo de los años los modelos foron autualizándose, asina como'l color de la callezna de la moñeca y la so forma. La moñeca creyóse como una xoven apasionada de la moda.

Enllaces esternos

• Wikimedia Commons tien conteníu multimedia tocante a Barbie.
• Barbie.com Sitiu web oficial: (n'inglés)
• BarbieLatina.com Sitiu oficial p'America Llatina: (castellán)
• Barbiecollector.com sitiu web pa colleicionistes
• Mattel.com Sitiu web oficial de MATTEL