Barbie

De Wikipedia
Barbie
Información
[editar datos en Wikidata]

Barbie ye la moñeca de xuguete más afamada y vendía del mundu. Creyóse'l 9 de marzu de 1959 na American International Toy Fair, feria del xuguete. Foi creada por Ruth Handler esposa d'Elliot Handler, co-fundador de la empresa Mattel.

El nacimientu de Barbie[editar | editar la fonte]

Nos años 50, Ruth Handler decatose de que la so fía (Barbara), prestába-y xugar más coles moñeques con carauterístiques adultes, n'arrou de les infantiles. Daquella, la mayor de les moñeques que se facíen yeren infantiles. Nestes vio un negociu dable, y propúnxo-ylo al so esposu y cofundador de Mattel, magar qu'esta idea nun aportaría a bon puertu, darréu de la reaición qu'amosó el direutor de Mattel.

Elliot Handler, l'esposu de Ruth, durante un viaxe a Alemaña, descubrió una moñeca nun escaparate, denomada «Lilli». La moñeca en cuestión entamó a vendese a homes, pasando llueu a les neñes. «Lilli» aportó a ser tan afamada que trespasó les llendes alemanes, algamando los Estaos Xuníos.

Dempués d'esto, Mattel, tres d'haber refugao la idea de Ruth Handler, mercó tolos derechos de «Lilli». Diéron-y un cambéu na so imaxe, un nuevu cuerpu y nuevu nome, Barbie, n'honor a la fía de Ruth, Barbara. Cuando taba too tresnao, decidieron facer el ñacimientu de Barbie el 9 de marzu de 1959 na American International Toy Fair, calteniendo esa data, como'l cumpleaños oficial de la moñeca.

Nel so debú, Barbía, llucía un peñáu roxu al mou de los años 60, con un bañador estampáu asemeyáu al pelleyu d'una cebra. A lo llargo de los años los modelos foron actualizándose, asina como'l color de la callezna de la moñeca y la so forma. La moñeca creyóse como una xoven apasionada de la moda.

Referencies[editar | editar la fonte]

Enllaces esternos[editar | editar la fonte]