Monte

K2 (Himalaya)

Un monte (del latín mons, montis) ye una elevación natural y accidentada del terrenu.

Clima y vexetación

El clima de monte ye más fríu y húmedu que'l del llanu, ya que la temperatura baxa a un ritmu aproximáu de 5º cada 1000 metros d'altitú y les lluvies van aumentado cola altura.

La vexetación nel monte alcuentrase en pisos. Nos pisos inferiores topamos vexetación asemeyada a la del llanu circundante pero a midida que subimos van apareciendo especies más resistentes al fríu; tres les últimes especies arbóreas apaez la pradera alpina seguía de les roques e inclusu la ñeve perpetua. Les especies presentes en cada un d'estos pisos y l'altitú a la que podemos topalas varíen según los continentes y tamién con la latitú, pues nun ye lo mesmo una zona montañosa en zones subpolares que en zones tropicales.

Montes más altos

Por continentes:

• África: Kilimanjaro (5895 m)
• América: Aconcagua (6959 m)
• Asia: Everest (8846 m), el más altu del mundu.
• Europa: Elbrus (5633 m)
• Oceanía: Jaya (5029 m)
• Antártida: Monte Vinson (4897 m).