Asclepiu

Asclepiu y el so símbolu serpentariu

Na mitoloxía griega Asclepiu o Asclepios (en griegu Ασκληπιός), Esculapiu pa los romanos, foi'l dios de la Medicina, veneráu en Grecia en varios santuarios. El más importante yera'l d'Epidauro nel Peloponeso onde se desendolcó una braera escuela de medicina. Se diz que la familia d'Hipócrates descendía d'esti dios. Los sos atributos represéntense con serpientes enrollaes nun bastón, piñes, corones de lloréu, una cabra o un perru. El más común ye'l de la serpiente, animal que, sigún los antiguos, vivía tanto sobre la tierra como nel so interior. Asclepios tenía'l don de la curación y conocía perbien la vexetación y en particular les plantes medicinales.