Laura Gemser

De Wikipedia
Laura Gemser
Vida
Nacimientu Surabaya, 5 d'ochobre de 1950[1] (73 años)
Nacionalidá Bandera de Países Baxos Reinu de los Países Baxos
Bandera d'Italia Italia
Residencia Roma
Familia
Casada con Gabriele Tinti (1976 – 1991)
Estudios
Llingües falaes italianu
neerlandés
indonesiu
inglés
Oficiu modelu, diseñadora de vestuariu, actriz de cine, cantante, diseñadora de moda, modelu erótica, actriz pornográfica
Altor 170 cm
Llugares de trabayu Utrecht y Italia
IMDb nm0002098
cultsirens.com…
Cambiar los datos en Wikidata

Laurette Marcia Gemser (5 d'ochobre de 1950, Surabaya), conocida artísticamente como Moira Chen, Laura M. Gemser, Laurette Marcia Gemser o, sobremanera, Laura Gemser, ye una actriz erótica, modelu y diseñadora neerlandesa retirada, considerada como ún de los grandes símbolos sexuales de los años 70.

Dientro de la so estensa filmografía (más de cincuenta películes), destaca la serie Emanuelle negra[2][3], na qu'encarna'l personaxe de la sensual fotógrafa freelance estauxunidense Mae Jordan (conocida polos sos llectores como Emanuelle), que viaxa per tol mundu buscando los meyores reportaxes, lo que dexa a los sos realizadores l'insertamientu d'una llarga serie de desnudos y práctiques sexuales, tanto con homes como con muyeres, ente les que s'inclúin cunnilingus, felaciones o masturbaciones, toes elles rodaes metanes exóticos espacios naturales.

Al respeutive de lo primero, esto ye, sobro'l fechu de tener que permanecer ensin ropa dalguna mientres gran parte de los rodaxes, en ciertu momentu declaró na revista Nocturno:

"Les primeres vegaes que tuvi que desvistime énte la cámara, foron un pocu traumatizantes, pero dempués avecéme. Naturalmente, nel plató mirábente toos colos güeyos tresmandaos y la llingua fora, asollando como un perru, […] ye un pocu embarazoso, pero si lo tomes como un trabayu, tou va bien. Tu pienses: tengo que faelo, páguenme. Amás, honestamente, creo que tampoco rodé películes especialmente escabroses…"

  Tocantes a les conocíes como «escenes de cama», hai de solliñar que foron siempres doblaes por otra actriz.

Biografía[editar | editar la fonte]

Tres vivir n'Indonesia hasta mediaos de los años 1950, treslladóse colos sos padres a los Países Baxos, más concretamente a la ciudá d'Utrecht, na que, en pasando per dellos centros de prestíu como la Regentesseschool o la Utrecht School of the Arts, la incipiente actriz especializóse n'alta costura, al empar qu'apaez esnuda en numberoses «revistes pa homes» como Chick (Países Baxos, 1973), Lui (Francia), Playmen (Italia), que-y dedica cinco portaes (setiembre de 1973, marzu de 1976, mayu de 1976, payares de 1976, abril de 1977), ente otres.

En 1974, treslládase a Italia, onde ese mesmu añu interpreta'l papel de Janine (una muyer indíxena que vive una sensual hestoria d'amor con un inxenieru italianu) na película erótica Amore llibero (n'español, Amor llibre), realizada nes islles Seixeles por Pier Ludovico Pavoni, y na que la moza lluz yá con total desinhibición la so esnudez, arrodiada de formosos paisaxes, lo que va constituyir d'equí p'arriba unde los elementos más carauterísticos de la so particular filmografía.

Laura Gemser na película Emanuelle nera de 1975.

Al añu siguiente, apaez de volao na segunda entrega de Emmanuelle (La antivirxen). Na escena más famosa de la película, la incipiente actriz (esnuda) da-y un masaxe eróticu a Sylvia Kristel, lo que fai que'l direutor y guionista Bitto Albertini se fixe nella, rodando casi de siguío Emanuelle (con una sola m, pa evitar problemes de derechos d'autor) negra, primer d'una serie de nueve producciones nes que primen les escenes de sexu (tantu con homes como con muyeres), según continuos desnudos parciales y/o totales (a lo llargo de los 91 min que dura'l filme, amuesa los pechos unes trelce vegaes), nos qu'exhibe con absoluta naturalidá la exótica guapura del so cuerpu. Seya que non, hai de tener en cuenta que'l personaxe de Emanuelle evoluciona a lo llargo de la serie, de la muyer que, a cencielles, busca'l placer sexual, a la periodista d'investigación que la usa, bien que con inusitada frecuencia, pa salir d'un atolladeru y a la que nun-y importa copular col so enemigu pa consiguir la so hestoria o, como asocede casi al empiezu de Emanuelle y los postreros caníbales (Joe D'Amato, 1977), afalaga-y el sexu a la paciente d'un hospital neoyorquín arreyada nun asuntu de canibalismu pa tratar de llograr dalguna información sobro la so tribu.

En 1976, contrái matrimoniu col veteranu cineasta italianu Gabriele Tinti, 18 años mayor qu'ella, al que conoz mentanto'l rodaxe de Emanuelle negra en Kenia, fináu por un cáncer en 1991, lo que supón el final de la so carrera artística.

En 1978, rueda La muyer de la tierra caliente a les ordes del director y guionista español José María Forqué:

"Laura Gemser, la "Emanuelle" negra, apaez equí más vistida y menos tontamente erótica que n'otres películes de recién, presentando, inclusive, atisbos d'actuación más allá del puru exhibicionismu, que tamién lu hai, como resulta obligáu nel so casu"[4]

Poco dempués, participa nel rodaxe d'El periscopiu (José Ramón Larraz, 1979), na que caltién relaciones lésbiques cola musa del "destape" español Bárbara Rey.

Anguaño, vive en Roma, alloñada por completu de la industria cinematográfica.

Filmografía[editar | editar la fonte]

1974-1992
Añu Títulu Personaxe Director/ye Fotograma
1974 Amore llibero Janine Pier Ludovico Pavoni
1975 Emmanuelle 2: La antivirgen Masaxista Francis Giacobetti
Emanuelle negra Emanuelle Bitto Albertini
1976 Emanuelle negra va a Oriente Emanuelle Joe D'Amato
La spiaggia del desiderio Haydee Enzo D'Ambrosio
Eva nera Eva Joe D'Amato
Emanuelle viciosa Laura Brunello Rondi
El viaxe de los malditos Stuart Rosenberg
Voto di castità Maid Joe D'Amato
1977 Emanuelle n'América Emanuelle Joe D'Amato
Dos superpolicíes Susy Llee Enzo Barboni
Sor Emanuelle Emanuelle Giuseppe Vari
Emanuelle alredor del mundu Emanuelle Joe D'Amato
Emanuelle y los postreros caníbales[5][6] Emanuelle Joe D'Amato
Notti porno nel mondo Host Bruno Mattei, Joe D'Amato
1978 Exit 7 Azafata Emile Degelin
Emanuelle y l'imperiu de les pasiones Emanuelle Joe D'Amato
La muyer de la tierra caliente Muyer José María Forqué
Deséu de muyer Princesa africana Franco Bottari
1979 El periscopiu Amiga de Verónica José Ramón Larraz
Coleicciones privaes Malinka Walerian Borowczyk, Just Jaeckin
1980 Fema erótica Emmanuella Brindisi Ilias Mylonakos
International Prostitution: Brigade criminelle Tazzi Sergio Gobbi
Amor pornoexótico Eva Joe D'Amato
Les nueches erótiques de los muertos vivientes Lluna Joe D'Amato
1981 Murder Obsession Beryl Fisher Riccardo Freda
El campu del amor Divina Emanuelle Christian Anders
La espada del samurái Tomoe Tsugunobu Kotani
1982 Operación Nicaragua Sheila Bruno Fontana
La doctora, l'alcalde y la so señora Doctora Selenia Anselmi Mario Bianchi
Calígula 3: La hestoria enxamás contada Miriam Joe D'Amato
Violencia nuna cárcel de muyeres Emanuelle Bruno Mattei
Los aventureros del oru perdío María Alan Birkinshaw
Ator el poderosu Indun Joe D'Amato
1983 Emanuelle en prisión Emanuelle Bruno Mattei
Bronx: Llucha final Lilith Joe D'Amato
1985 L'alcova Zerbal Joe D'Amato
L'espertar del prestar Haunani Joe D'Amato
1986 Voglia di guardara Josephine Joe D'Amato
Delizia Novia de Brian Joe D'Amato
1987 Eleven Days, Eleven Nights: 11 giorni, 11 notti Dorothy Tipton Joe D'Amato
Interzone Deran Sarafian
1988 Estraña atracción Dorothy Joe D'Amato
Dirty Love Masaxista Joe D'Amato
Riflessi di lluz Chiara Mario Bianchi
1989 Pomeriggio caldu Baillarina Joe D'Amato
El café del ánxel azul Fotógrafa Joe D'Amato
1990 Metamorphosis Prostituta George Eastman
Ator y l'espada de Graal Grimilde Joe D'Amato
Sangue negli abissi Ayudante de llaboratoriu Raffaele Donato
Any Time, Any Play Sales Clerk Joe D'Amato
High Finance Woman Prostituta Joe D'Amato
Object of Desire Fotógrafa Roger Duchowny
La stanza delle parole Franco Molè
Eleven Days, Eleven Nights 2 Jackie Forrest Joe D'Amato
1991 Flor de pasión Hooker Joe D'Amato
1992 Una tenera storia Secretaria de Karen Joe D'Amato

Bibliografía[editar | editar la fonte]

  • (2015) Spinegrinder – The Movies Most Critics Won't Write about. SCB Distributors. ISBN 978-1909394063.
  • (2013) Motion Picture Series and Sequels – A Reference Guide. Routledge. ISBN 978-1317928942.
  • (2011) Laura Gemser e le altre – Le regine del cinema sexy degli anni Settanta. Profondo Rosso. ISBN 978-8895294407.
  • (2017) 100 Cult Films. Bloomsbury Publishing. ISBN 978-1844575718.
  • (2009) Latsploitation – Exploitation Cinemas and Latin America. Routledge. ISBN 978-1135848774.
  • (2011) Perverse Titillation –The Exploitation Cinema of Italy, Spain and France, 1960-1980. McFarland. ISBN 978-0786486090.

Referencies[editar | editar la fonte]

  1. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Drew, 2013, p. 116.
  3. ↑ Clive, 2015.
  4. ↑ Fonte: Crespo, Pedro. «La muyer de la tierra caliente, de José M.ª Forqué». ABC. Crítica de cine (Madrid):  páxs. 63-64. 
  5. ↑ Ruétalo y Tierney, 2009, páxs. 74-75.
  6. ↑ Mathijs y Mendik, 2017, páxs. 75-76.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Laura_Gemser&oldid=4106049»