Escudu de Gambia

De Wikipedia
Saltar a navegación Saltar a la gueta
Escudu de Gambia
Coat of arms of The Gambia.svg
Datos
Estáu Gambia
Propietariu Gambia
Fecha d'adopción 18  de payares de 1964
Cambiar los datos en Wikidata

L'escudu d'armes de Gambia foi adoptáu'l 18 de payares de 1964. Nesti escudu figuren, nun campu d'azul con bordura de verde y orla d'plata, un hachu d'oru colocada en banda y una azada del mesmu color colocada en barra.

L'escudu ta suxetu por dos figures (tenantes o soportes en terminoloxía heráldica) con forma de lleón que porten, l'hachu, el lleón asitiáu na mandrecha l'escudu y l'azada'l que ta asitiáu na so siniestra.

Timbra un yelmu con burelete y lambrequín d'oru y azur, surmontáu por una cimera con forma de palma africana.

Na parte inferior del escudu figura, escritu nuna cinta, el lema nacional: “Progress - Peace - Prosperity” (“Progresu - Paz - Prosperidá”).

Los dos lleones aluden al periodu en que Gambia formó parte del Imperio Colonial Británicu. L'hachu y l'azada representen la importancia que tien l'agricultura pal país y tamién simbolicen les dos mayores tribes gambianes: Los Mandigues y los Fuless. La palma africana o palma aceitera que figura na cume ye un árbol perdestacáu en Gambia.

Enllaces esternos[editar | editar la fonte]