Escudu de Ceuta

De Wikipedia
Saltar a navegación Saltar a la gueta
Escudu de Ceuta
EscudoCeuta.svg
Datos
Estáu España
Propietariu Ceuta
Cambiar los datos en Wikidata

L'Escudu de Ceuta ye'l de Portugal yá que la ciudá de Ceuta foi conquistada pol rei Xuan I de Portugal el 21 d'agostu de 1415. Ta compuestu por un campu de plata, cinco escusones d'azur, puestos en cruz, cargaos caún de cinco bezantes de plata, colocaos n'aspa, y una bordura de gules cargada de siete castiellos d'oru, dos en xefe, dos en flancu y tres haza la punta, too ello rematáu con una corona marquesal.

Pero tien dos estremaciones principales coles armes de Portugal: Nel de la metrópoli hau tres castiellos en xefe na bordura y namái dos haza la punta. La diferencia de posición de xefe a la punta va acordies colo que n'heráldica nomaríemos plaza dominante o dominada, ye dicir, la capital del Reinu -l'escudu lo utilizaba Lisboa- o una población más del Reinu, como sedría Ceuta. La otra diferencia ye la corona, que tradicionalmente en Portugal foi la Real, demientres un curtiu plazu foi la Mural republicana y anguaño nun s'usa nenguna corona, mientres qu'en Ceuta utilizábase la marquesal, dao que los títulos de marqués concedíense a los gobernadores de les marques, les llendes de les naciones.

Referencies[editar | editar la fonte]

Enllaces esternos[editar | editar la fonte]