Epona (The Legend of Zelda)

De Wikipedia
Saltar a navegación Saltar a la gueta
Epona
Personaxe de The Legend of Zelda
Creador(es) Yoshiaki Koizumi
Información
Raza Caballu
Sexu Hembra
[editar datos en Wikidata]

Epona (エポナ Epona?) ye'l nome de la yegua de Link na serie de videoxuegos de The Legend of Zelda, de Nintendo. El so nome provien de la diosa celta protectora de los caballos Epona.

Creación[editar | editar la fonte]

Epona foi creada por Yoshiaki Koizumi, apaeciendo per primer vegada en The Legend of Zelda: Ocarina of Time. Epona comparte'l mesmu nome de la diosa celta de la fertilidá y protectora de los caballos.[1] Entamóse qu'en Ocarina of Time fora nomada pol xugador, pero esta carauterística foi esaniciada antes del llanzamientu. Sicasí, en The Legend of Zelda: Twilight Princess añedióse esta carauterística, dexando nomar a Epona con un nome distintu creáu polos xugadores.

Historia[editar | editar la fonte]

Criada por Malon nel Ranchu Lon-Lon, nel corazón de Hyrule, Epona ye una yegua cobarde y espantino que namái confía en poques persones. Maltratada por Ingo cuando s'apoderó del ranchu, taba destinada a sirvir como montadura a Ganondorf, sicasí Link acaba llevándo-yla como premiu d'una carrera.

Epona respuende a la llamada del héroe dende cualesquier parte del reinu siempres qu'ésti toca la Cantar de Epona cola so ocarina. Esta melodía cantar la so madre a Malon cuando yera pequeña, y ésta fixo lo mesmo cola yegua.

Apaiciones[editar | editar la fonte]

En The Legend of Zelda: Ocarina of Time atopamos con Epona en dos époques distintes: cuando yera mozu con Link de neñu y cuando yá creciera con Link adultu.

En The Legend of Zelda: Majora's Mask, al siguir la llinia cronolóxica del final de Link neñu nel xuegu anterior, amuésanos a Epona cuando tan solo yera una pequeña yegua que, darréu nel xuegu, ye secuestrada por un Skull Kid mientres ta teníu pola Mázcara de Majora podemos atopar nuevamente zarrada nun establu allugáu nel ranchu Romanín.

En The Legend of Zelda: Oracle of Ages y The Legend of Zelda: Oracle of Seasons, apaez de volao siendo montada por Link na presentación de cada xuegu.

En The Legend of Zelda: Twilight Princess, Epona apaez una vegada más, pero esta vegada Epona yá pertenez a la comunidá onde anicia Link, solo que ye raptada xuntu colos amigos de Link por una especie de humanoide grotescu montáu nun xabalín monstruosu.

En "The Legend of Zelda: Breath of the Wild",Epona solo apaez por aciu l'usu del Amiibo de Link Caballero.

Referencies[editar | editar la fonte]

  1. Nintendo. «Iwata Asks: The Legend of Zelda: Ocarina of Time 3D» (inglés). Consultáu'l 4 d'agostu de 2013.


Epona (The Legend of Zelda)