EK Comae Berenices

De Wikipedia
Saltar a navegación Saltar a la gueta
EK Comae Berenices
EK Comae Berenices
Constelación Coma Berenices
Ascensión reuta α 12h 51min 21,45s
Declinación δ +27º 13’ 47,0’’
Distancia 760 - 850 años-lluz
Magnitú visual +12,02 (variable)
Magnitú absoluta +5,07
Lluminosidá 0,55 / 0,24 soles
Temperatura 5150 / 5300 K
Masa 0,967 / 0,338 soles
Radiu 0,93 / 0,59 soles
Tipu espectral K0V

EK Comae Berenices (EK Com / 2MASS J12512144+2713470)[1] ye una estrella variable na constelación de Coma Berenices, afayada por Kinman et al. en 1966. Alcuéntrase a una incierta distancia del Sistema Solar entendida ente 760 y 850 años lluz.[2]

EK Comae Berenices ye una estrella binaria que les sos componentes tán tan cerca ente sigo que lleguen a tocase, esistiendo tresferencia de masa ente elles. Constitúi una binaria de contautu con un fondu grau de «sobrecontautu» (33%), siendo'l so tipu espectral cercanu a K0V. La componente principal tien una temperatura averada de 5150 K y una masa de 0,967 mases solares. Con un diámetru un 7% menor qu'el del Sol, la so lluminosidá equival al 55% de la lluminosidá solar. La componente secundaria ye más caliente —la so temperatura puede tar en redol a los 5300 K— y tien el 34% de la masa de la so compañera. Tien un radiu de 0,59 radios solares y una cuarta parte de la lluminosidá del Sol. El periodu orbital del sistema ye de 0,26669 díes (6,40 hores) y la separación ente dambes estrelles ye de namái 1,906 radios solares.[2]

Amás, como suel asoceder nesta clase de binaries, EK Comae Berenices ye una variable eclipsante, al igual que W Ursae Majoris, prototipu del grupu. Pertenez al subtipo-A —aquelles onde se produz un eclís total— y el so rellumu fluctúa ente magnitú +12,70 y +13,40.[3] La curva de lluz ye asimétrica por cuenta de la actividá superficial d'una o de los dos componentes; esta carauterística puede debese a la esistencia d'un llurdiu caliente na componente principal.[2]

Referencies[editar | editar la fonte]