Duman

De Wikipedia
Saltar a navegación Saltar a la gueta
Duman
Datos xenerales
Orixe Estambul Flag of Turkey.svg
Información artística
Xéneru(os) Rock
Grunge
Anatolian rock
Periodu d'actividá 1999 - anguaño
Sellu discográficu Eski Köprünün Altında (1999)- NR1
Belki Alışman Lazım (2002) - NR1
Konser (2003) - NR1
Bu Akşam (2004) - NR1
Seni Kendime Sakladım (2005) - NR1
En Güzel Günüm Gecem 1999-2006 (2007) - NR1
Rock'n Coke Konseri (2 Eylül 2006(-)2008) - NR1
Duman I (2009)- Sony BMG
Duman II (2009) - Sony BMG
Canlı (2011) - Pasaj Müzik
Darmaduman (2013) - Pasaj Müzik
Web
Sitiu web http://www.dumanlive.com/
Miembros
[editar datos en Wikidata]

Duman (Fumu en llingua asturiana) ye una banda turca de rock. El so estilu entemeza detáis del folclor turcu col rock modernu (xeneralmente grunge). Duman ta compuestu por Kaan Tangöze(vocales y guitarra rítmica), Batuhan Mutlugil (guitarra principal y coros) y Ari Barokas (baxu y coros).

Historia[editar | editar la fonte]

Nos entamos de la década de los 90, Kaan Tangöze viviera na ciudá norteamericana de Seattle. Foi ellí u compuso'l so primer cantar pal grupu de rock turcu que fadría nel futuru, al mesmu tiempu nel que yera parte d'una banda nomada Mad Madame. Cuando tornara a Turquía, conociera a Batuhan Mutlugil ya Ari Barokas, los cualos pertenecíen a otru grupu de nome Blue Blues Band. Xuntos decidieren entamar una banda a la que nomaríen Duman. Lluéu, tres d'un tiempu nel que guetaren un batería pa Duman, apautaren tocar con bateríes ensin banda. Trabayaren col batería Alen Konakoğlu por un llargu periodu hasta'l so caberu álbum.

Anguaño Duman tien espublizaos 11 álbumes, trés d'ellos direutos (Konser 2003, Rock'n Coke Konseri 2006 y Canlı 2011). Llanzaren el so primer álbum Eski Köprünün Altında nel añu 1999 y el so segundu, Belki Alışman Lazım, nel 2002. Dambos álbumes collecharen un bayurosu ésitu nel so país ya inspiraren a una nueva xeneración de bandes de rock turques. En 2004 espublizaríen el so tercer álbum, un discu en direutu nomáu Konser, el cualu sedría grabáu en dellos escenarios na ciudá d'Estambul. El so cuartu álbum, tituláu Seni Kendime Sakladım, foi sacáu al mercáu nel 2005. En 2006 y 2008 asoleyen dos discos, un recopilatoriu (En Güzel Günüm Gecem 1999-2006) y un direutu (Rock'n Coke Konseri).

En 2009, Duman fichara por Sony BMG nos estudios de Grouse Lodge (Irlanda), au otros artistes del cálter de Michael Jackson, R.E.M. o Muse teníen realizao les sos grabaciones. En 2011 espubliza un álbum en direutu Canlı(direuto n'asturianu) y en 2013 el so caberu discu, Darmaduman, au ta allugáu el cantar Eyvallah (Salú n'asturianu, usáu de mou irónicu), escritu y desendolcáu arriendes de les protestes de la Plaza Taksim d'Estambul de 2013, que se convetiría n'unu de los himnos del returde escontra les polítiques del gobiernu presidíu por Tayyip Erdoğan.

Enllaces esternos[editar | editar la fonte]