Dschubba

De Wikipedia
Saltar a navegación Saltar a la gueta
Dschubba
Dschubba A
Constelación Scorpius
Ascensión reuta α 16h 00m 20,01s
declinación δ -22º 37’ 17,8’’
Distancia 402 años lluz
Magnitú visual +2,1[1]
Magnitú absoluta -3,18
Lluminosidá 14.000 soles (bolométrica)
Masa 12 soles
Diámetru 5 soles
Tipu espectral B0.2IVe
Velocidá radial -7 km/s

Dschubba (δ Scorpii / δ Sco / 7 Scorpii)[2] ye una estrella variable na constelación de Scorpius. El so nome probablemente provién del árabe Al Jabhah, «la frente», pola so posición nel cuerpu del escorpión. Nel Catálogu de Palermo figuraba col nome de Iclarkrav.[3] Alcuéntrase a 402 años lluz del Sistema Solar.

Dschubba ye un sistema estelar con cuatro componentes. La componente principal ye una estrella azul de tipu espectral B0 que la so lluminosidá —incluyida la radiación emitida nel ultravioleta— ye 14.000 vegaes superior a la del Sol. Con una velocidá de rotación de siquier 181 km/s —90 vegaes más alta que la del Sol—, ye cinco veces más grande que la nuesa estrella. La estrella sufrió un sópitu cambéu; nel añu 2000 empezó aumentar de rellumu —de magnitú aparente +2,32 llegó a algamar cuasi primer magnitú— al tresformase nuna estrella Be arrodiada por un discu circumestelar. En 2008 la so magnitú yera +2,1, 0,2 magnitúes percima del so rellumu habitual.[4]

La estrella principal ta acompañada por una estrella más fría tamién de tipu B, 10 vegaes menos lluminosa que la so compañera. Separaes ~ 0,4 UA, el periodu orbital d'esta binaria ye de namái 20 díes. Una tercer estrella, que la so lluminosidá ye 2/3 de la de la componente principal, alcuéntrase a una distancia mínima d'ésta igual a la que dixebra Saturnu del Sol. A lo último, la cuarta componente tópase siquier a 19 UA del par interior.[4] Piénsase que toes elles pueden tar na secuencia principal, anque la más brillosa puede algamar la fase de subxigante. Toes son estrelles masives con mases entendíes ente 6 y 12 mases solares.[4]

Referencies[editar | editar la fonte]