Douglass Watson

De Wikipedia
Saltar a: navegación, buscar
Douglass Watson
Douglass Watson
Marriage of Mac and Rachel Another World 1975.JPG
Watson, como Mackenzie Cory, casóse con Rachel Frame (Victoria Wyndham) en Another World (1975)
Nome real Larkin Douglass Watson III
Nacencia 24 de febreru de 1921
Bandera de Estaos Xuníos d'América Jackson (Xeorxa), Estaos Xuníos
Muerte 1 de mayu de 1989
Bandera de Estaos Xuníos d'América Arizona, Estaos Xuníos
Otros nomes Douglas Watson
Pareya/es Eugenia Laring-Clark (? - ?, 3 fíos)
Ficha en IMDb

Larkin Douglass Watson III (24 de febreru de 19211 de mayu de 1989) foi un actor teatral, cinematográficu y televisivu de nacionalidá estaunidense.

Biografía[editar | editar la fonte]

Nacíu en Jackson (Xeorxa), enantes de dedicase a la interpretación recibió dos medayes Corazón Púrpura pol so serviciu na Segunda Guerra Mundial. Actor de calter dende 1950, los sos papeles más destacaos fueron los que fixo nes películes Xuliu César (1953), Sayonara (1957), y The Money Pit (1986). Amás foi un allabáu actor teatral del teatru neoyorquín, actuando en diverses producciones del circuitu de Broadway y Off-Broadway, ente elles la llevada a cabu en 1952 de la obra Deséu so les llameres, de Eugene O'Neill. Per otra parte, tamién actuó en telenoveles dramátiques como Moment of Truth (1965) (una serie canadiense), Search for Tomorrow (1966–1968), y Love of Life (1972–1973).

En Another World, Watson interpretó a Mackenzie "Mac" Cory, siendo'l segundu actor en faer el papel, yá que sustituyó a Robert Emhardt. Watson consiguió'l papel de Another World tres la so allabada interpretación de Kent en El rei Lear, representada en 1974 nel Festival Shakespeare de Nueva York.

Watson ganó dos Premios Daytime Emmy al meyor actor, en 1980 y 1981. Taba contratáu con Another World, cuando en 1989 finó por causa de un infartu agudu de miocardiu mientres esfrutaba d'unes vacaciones en Arizona. Tenía 68 años d'edá. El so personaxe nel show tamién morría pocu dempués. Douglass Watson foi soterráu nel Campusantu de Putnam, en Greenwich, Connecticut.[1]

Referencies[editar | editar la fonte]

  1. «Douglass Watson». FindAGrave.com. Consultáu'l 10 de setiembre de 2011.

Enllaces esternos[editar | editar la fonte]