Dojo

De Uiquipedia
Saltar a: navegación, buscar
Un conocíu dojo pa la práutica del Kendo: el Noma Dojo, de Tokio

Un dojo (道場, dōjō) ye un términu xaponés que lliteralmente significa "llugar de la vía". Los primeros “dojos” taben cabo los templos. El términu pue referise a un llugar pa la práutica formal de cualesquier de les artes do (vies de desarrollu personal a traviés de la práutica artística) xaponeses, pero considérase davezu’l llugar d’axuntamientu formal de los estudiantes de cualesquier estilu xaponés d’artes marciales, onde se faen los entrenamientos, los esámenes y otres xuntes rellacionaes.

Ye namái n’Occidente onde’l términu dojo s’identifica esclusivamente con llugar d’entrenamientu de les artes marciales. En Xapón cualesquier edificiu o sala pal entrenamientu físicu (inclusive les academies de llucha llibre profesional) pue recibir el nome de dojo dependiendo del contestu.

Dojos d’artes marciales[editar | editar la fonte]

Pa los prauticantes de les artes marciales xaponeses, el dojo ye un sitiu especial, qu’hai que curiar con procuru. Nél nun se permite llevar puestos los zapatos. En munchos estilos ye tradicional entamar y/o finar la sesión d’entrenamientu con una llimpieza ritual del dojo (soji). Amás de los evidentes beneficios hixénicos d’una llimpieza regular, esto val tamién pa reforzar la idea de que’l dojo tien que se sofitar y xestionar polos propios estudiantes, non pol personal d’enseñanza. Esta actitú perdióse en munchos dojos modernos de carís comercial que tan fundaos y dirixíos por un pequeñu grupu d’instructores o d’otres persones. En realidá nun ye raro que n’escueles tradicionales (koryu) los dojos nun s’usen pal entrenamientu diariu, sinón que s’acuten pa ocasiones más formales o simbóliques. L’entrenamientu cotidianu faise davezu al aire llibre o en sitios non tan formales.

Munchos dojos tradicionales siguen un modelu fixu con “shomen” (paré frontal, u se coloquen dellos elementos rituales) y entraes distintes usaes de forma precisa según los rangos d’estudiantes y instructores. Davezu los estudiantes entren pela esquina baxera izquierda del dojo según se mira al shomen, y los instructores pela esquina cimera derecha. Normalmente nel shomen hai un “kamidana” (zona acutada pa poner un altar Shinto) y otros apareyos. Munchos prauticantes d’artes marciales suelen confundir “kamiza” (asientu d’honor) con “kamidana”. Munchos otros apareyos pueden ensamase pel dojo, por casu’l “kanban” o autorización de la escuela per parte d’un estilu, y elementos como los tambores “taiko” o les armadures “yoroi”. Nun ye raro tampoco atopar caligrafíes del nome del dojo y el dojo kun (regles étiques del dojo) nun llugar destacáu del shomen. Tamién los visitantes suelen tener acutao un sitiu especial, dependiendo del so rangu y posición social. Les armes y otros preseos d’entrenamientu colóquense davezu na paré trasera.

Un hombu dojo d’un estilu ye la sede central alministrativa y docente d’un estilu o grupu particular d’artes marciales.

Dellos hombu dojo famosos de Xapón son:

Otres sales d’entrenamientu[editar | editar la fonte]

Otros nomes de sales d’entrenamientu qu’equivalen a "dojo" son, ente otros:

Nel Budismu Zen[editar | editar la fonte]

El términu dojo úsase tamién pa describir les sales onde los budistes Zen prautiquen la meditación zazen. A veces úsase empara del términu "zendo", que ye más específicu y más ampliamente usáu. Sicasí los grupos europeos de Soto Zen afiliaos a l’Asociación Zen Internacional prefieren usar "dojo" en vez de zendo pa describir les sos sales de meditación como facía’l so maestru fundador, Taisen Deshimaru.

Ver tamién[editar | editar la fonte]