Yudu

De Wikipedia
Kanji del judo.

El yudu (judo (柔道) en xaponés) ye un arte marcial xaponés fundáu por Jigoro Kano (嘉納治五郎) en 1882. Kano quixo recoyer la esencia del Jujutsu y les artes de llucha orientales nuna única y básica.

El keikogi (vistimienta) qu'usa llámase judogi (lléese yudogui), que pue ser blancu o azul, anque esti últimu sólo ta bien visto emplegalu en competiciones.

El color del cinturón marca los conocimientos del yudoca. Va dende'l blancu, que ye'l de los principantes, al prietu, pasando pel mariellu, naranxa, verde, azul y marrón. Hasta'l marrón llámense kyus y dende'l prietu son dan. El mayor dan algamáu enxamás foi por Jigoro Kano, que llegó al décimu.

El llugar u prauticase llámase dojo. Nelli allúguense unes colchonetes nel suelu que formen el tatami.

La pallabra judo ta formada poles sílabes "ju" y "do" y significa daqué paecío a "camín de la flexibilidá": la forma de vencer a una fuercia nun ye oponiéndose a ella, sinón aprovechándola nel to beneficiu.

Referencies[editar | editar la fonte]

Enllaces esternos[editar | editar la fonte]