Dineru

De Uiquipedia
Saltar a: navegación, buscar

El dineru (Del llatín denarius.) ye un intermediariu, un bien ñatural o artificial. Ye tou mediu d'intercambéu común y xeneralmente aceutáu por una sociedá, poro, pa ser calificáu como dineru, un bien tien de satisfacer los tres siguientes puntos:

  1. Tien de ser intercambeable: Cuando un bien ye requeríu col cenciellu envís d'usalu pa ser intercambiáu por otres coses, caltién esta propiedá. Por exemplu, poques persones guarden billetes pa colleicionalos. Pola escontra, la mayoría de les persones caltiénenlos pola dabilidá d'intercambealos cuando lo deseyen n'arróu d'otros bienes.
  2. Tien de ser una unidá cuntable: Cuando'l valor d'un bien ye usaú davezu pa midir y comparar el valor d'otros bienes o cuando'l so valor ye usáu pa denomar deudes dizse qu'esti bien caltién esta propiedá. Por exemplu, si a la xente d'una cultura da-yos por midir el valor de les coses en oveyes, les oveyes sedríen la principal unidá cuntable. Un caballu podría costar 10 oveyes y un teitu unes 45 oveyes.
  3. Tien de ser un caltenedor de valor: Cuando un bien ye alquiríu col envís de caltener el valor comercial pal futuru intercambéu entós dizse que ye usáu como un caltenedor de valor. Nel casu d'enantes, una oveya tendría un problema a la hora de facer de dineru, darréu que ye un bien perecederu, dau que la oveya muerre col tiempu. Otros materiales, como l'oru y la plata, caltienen el so valor pesie al pasu del tiempu.

Enllaces esternos[editar | editar la fonte]

Dineru
Wikimedia Commons tien archivos rellacionaos con: