Dili

Dili
Alministración
País	Timor Oriental
Municipio (es)	Dili (es)
Tipu d'entidá	capital
Nome oficial	Dili (tet); Díli (pt)
Nome llocal	Dili (tet); Díli (pt)
Xeografía
Coordenaes	8°33′13″S 125°34′42″E / 8.5536°S 125.5783°E
	Dili Dili (Timor Oriental)
Superficie	178.62 km²
Altitú	11 m
Demografía
Población	222 323 hab. (2015)
Porcentaxe	100% de Dili (es) ; 17.15% de Timor Oriental
Densidá	1244,67 hab/km²
Más información
Fundación	1520 (Gregorianu)
Estaya horaria	UTC+09:00
Llocalidaes hermaniaes	Coímbra, Darwin (Australia), Lisboa, Canberra y Sydney

Dili^[1] ye la ciudá capital de Timor Oriental. Allúgase na costa nordeste de la islla de Timor. Tien una población de 222 323 habitantes (2015) y ye'l principal puertu y centru comercial del país.

Dispón d'un aeropuertu, llamáu Nicolás Lobato que s'utiliza tanto para vuelos civiles como militares.

Ye la sede de la Universidá Nacional de Timor Oriental y del Colexu de São José.

Historia[editar | editar la fonte]

Foi fundada en 1520 polos portugueses, y en 1596 convirtióse na capital del Timor Portugués. Mientres la Segunda Guerra Mundial, Dili foi ocupada polos xaponeses. Timor Oriental algamó la independencia formal de Portugal el 28 de payares del 1975. Ensin previu avisu, namái nueve díes depués, el 7 d'avientu, les fuerces armaes indonesies invadieron Dili. El 17 de xunetu del 1976 Indonesia anexonó Timor Oriental col nome de Timor Timur y Dili convertióse na capital de la rexón.

En 1991 tuvo llugar, per parte d'Indonesia, la masacre de Dili. Les tropes d'esti país usaron la fuerza sobre los manifestantes que reivindicaben la independencia. Esti acontecimientu fixo conocer la situación de Timor Oriental tol mundu. El 20 de mayu del 2002, depués de muncho años de guerra de guerrilles y una gran cantidá de muertos, Dili convirtióse na capital del estáu independiente de Timor Oriental.