Diamantina Rodríguez

De Wikipedia
Saltar a navegación Saltar a la gueta
Diamantina Rodríguez
Vida
Nacimientu

Quirós, [[ ]] de 1920

(97/98 años)
Nacionalidá Flag of Asturias.svg Asturies
Estudios
Llingües castellán
asturianu
Oficiu
Oficiu pevka, chanteuse, певица, piosenkarka, Sängerin, zpěvačka, zangeres, sångerska, τραγουδίστρια, مغنية, cântăreață, dziedātāja, songkvinna, kantistino, jikanitan, kantistino, сьпявачка, kantera, cantante, співачка, спявачка, זמרת, пејачка, yırcı, yırcı, cantores, Sängerin, певачица, গায়িকা, گلوکاری, cantora, երգչուհի, морыця, cantora, nữ ca sĩ, sjongster
Cambiar los datos en Wikidata

Diamantina Rodríguez o simplemente Diamantina (Vil.laxime, Quirós, 1920) ye una cantante asturiana de tonada.

Biografía[editar | editar la fonte]

De neña escuchó nun gramófonu la voz d'Obdulia Álvarez, La Busdonga, que se convertiría nel so referente.

En 1939 treslladóse col so maríu, el gaiteru quirosán Argimiro Fernández Álvarez, a la localidá de San Nicolás (Soto Ribera). Participó por primera vez en 1948 nel concursu entamáu pol diariu Región, algamando esi añu la segunda posición (finalmente ganaría'l concursu nel añu 1955). Arriendes de la so proyección dientro del mundu de la tonada, el concursu sirvió-y pa conocer a Cuchichi que yera miembru del xuráu y que dende esi momentu se convirtió nel so maestru.

En 1950 asitiase definitivamente en Mieres.

Nel añu 2002 recibió la medalla d'Asturies, que concede'l Gobiernu del Principáu, na categoría de plata, como reconocimientu a la so trayectoria artística y la contribución al recobramientu del patrimoniu musical asturianu.

A partir del añu 2003 forma parte del xuráu del Memorial "Silvino Argüelles" que concede los premios a los 10 cantantes de tonada más importantes del añu.

Grabaciones[editar | editar la fonte]

Darréu entamó a participar nos escenarios y concursos más importantes d'Asturies. Nel añu 1969 grabó'l so primer discu, y a partir d'esi momentu entama una gran actividá editora grabando en 1971 un nuevu discu dedicáu al cancioneru d'Eduardo Martínez Torner. La verde Asturias foi'l títulu d'una nueva grabación fecha en 1972 y en 1973 editaría otros dos discos titulaos Canciones asturianas. En 1981 asoleyó un nuevu discu, A las madres de los mineros, nel que se recueyen non solo tonaes sinon tamién xiraldilles, vaqueiraes, añaes.

Recientemente puso voz falada nel cantar A la madre del mineru que grabó Rosario González nel so discu De L.laciana vengo (2004). Igualmente esi mesmu añu intervién nel discu editáu pola Dirección Xeneral de la Muyer del Principáu d'Asturies, Con voz de muyer, nel que tamién participen delles de les voces más importantes de la tonada femenina del momentu: Anabel Santiago, Liliana Castañón, Marisa Valle Roso o Rosario González.