La Busdonga

De Wikipedia
La Busdonga
Vida
Nacimientu Uviéu1896[1]
Nacionalidá España
Muerte Xixón27 de xineru de 1960 (63/64 años)
Estudios
Llingües falaes castellanu
Oficiu cantante de tonadacantante
Seudónimu/os La Busdonga
Xéneru artísticu tonada asturiana
Instrumentu musical voz
Cambiar los datos en Wikidata

Obdulia Álvarez Díaz (1896Uviéu – 27 de xineru de 1960Xixón), más conocida como La Busdonga, foi una cantante de tonada y cantante asturiana. Nació en La Fuente la Plata (Uviéu), en 1896 y morrió en Xixón, n'onde residía dende 1934, el 27 de xineru de 1960. L'alcuñu de La Busdonga vino-y del destín que tuviera so padre como ferroviariu nel pueblu llionés de Busdongo. Tamién vivió en Mieres, onde so padre y so madre teníen un chigre que, como tantes veces na tonada, sirvió d'escenariu y escuela pa los grandes campeones de l'asturianada.

Nos años venti el compositor y pianista Baldomero Fernández trabayó con ella y con Ángel González, El Maragatu, y d'esa collaboración salieron delles de les tonaes qu'algamaron mayor sonadía dientro'l xeneru.

Delles de les canciones coles qu'algamó mayores ésitos fueron: “Pasé'l puertu Payares”, “Canteros de Covadonga”, “Carrosmateros”, “Los mineros del Fondón”, “Hai una linia trazada”, ...

Nel añu 1955, con 60 años, intervién como artista invitada nel concursu de Canción Asturiana del salón Babel, acompañada a la gaita pol so hermanu Aurelio (tamién llamáu El Busdongu), y un añu más tarde graba dos cantares con Laudelino Alonso pa la discográfica Columbia.

Referencies[editar | editar la fonte]

  1. Afirmao en: datos.bne.es. Data de consulta: 9 ochobre 2017. Apaez como: La Busdonga. Identificador BNE: XX1039246. Llingua de la obra o nome: castellanu.