Delta Sagittae

De Wikipedia
Saltar a navegación Saltar a la gueta
Ficha d'oxetu celesteDelta Sagittae
Datos d'observación
Ascensión reuta (α) 296,84694386991 °[1]
Declinación (δ) 18,534311184198 °[1]
Distancia a la Tierra 132,8039 pc
Magnitú aparente (V) 3,82 (banda V)
Magnitú absoluta −2,58
Constelación Sagitta[3]
Velocidá radial 1,1 km/s[4]
Parallax 7,5299 mas[1]
Tipu espectral M3II+B9.5[5]
Otros nomes
Cambiar los datos en Wikidata

Coordenaes: Sky map 19h 47m 23.267s, 18° 32 3.52

Delta Sagittae (δ Sge / 7 Sagittae / HD 187076J)[6] ye la segunda estrella más brillosa de la constelación de Sagita —la flecha— dempués de γ Sagittae. De magnitú aparente +3,68, alcuéntrase a una incierta distancia entendida ente 448 años lluz (llograda por paralax) y 565 años lluz (calculada por interferometría).

Delta Sagittae ye una estrella binaria espectroscópica, esto ye, los sos dos componentes nun pudieron ser resueltes visualmente. La estrella primaria ye una xigante colorada lluminosa de tipu espectral M2II que la so temperatura superficial ye d'unos 3630 K. La so lluminosidá ta entendida ente 2800 y 4500 soles, el valor exautu dependiendo de la distancia a al que s'atope. Tien un radiu 125 vegaes más grande que'l radiu solar, lo qu'equival a un 60% de la distancia esistente ente la Tierra y el Sol. Piénsase que ye una estrella bien avanzada na evolución estelar, probablemente con un nucleu inerte de carbonu y oxíxenu. Al igual qu'otres xigantes coloraes ye una estrella variable irregular, con una variación nel so rellumu de 0,08 magnitúes.[7]

La componente secundaria, con una lluminosidá ente 32 y 60 vegaes la del Sol (dependiendo la distancia real a la que s'atope'l sistema), ye una estrella de la secuencia principal de tipu A0 o B9.5. La separación media cola xigante colorada ye de 8,8 UA —daqué menos de la distancia ente Saturnu y el Sol— y el so periodu orbital ye de 10,20 años. La xigante colorada tien una masa de 3,8 mases solares y el so acompañante de 2,9 mases solares.[7]

Referencies[editar | editar la fonte]

  1. 1,0 1,1 1,2 1,3 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Afirmao en: SIMBAD.
  3. Afirmao en: VizieR. Llingua de la obra o nome: inglés.
  4. «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9):  páxs. 889-896. payares 2007. doi:10.1002/ASNA.200710776. 
  5. «Spectral Classification of the Hot Components of a Large Sample of Stars with Composite Spectra, and Implication for the Absolute Magnitudes of the Cool Supergiant Components». The Astrophysical Journal Supplement Series (2):  páxs. 513–537. avientu 2002. doi:10.1086/342942. 
  6. Delta Sagittae (SIMBAD)
  7. 7,0 7,1 Delta Sagittae (Jim Kaler, Stars)

Coordenaes: Sky map 19h 47m 23.267s, 18° 32 3.52