David Della Rocco estudió interpretación cola finada Susan Peretz en Los Angeles y ye tamién un miembru del Actor's Studio. Apaeció en numberoses obres de teatru como Glengarry Glen Ross y Freedom Frogs ente munches otres[2] hasta que tuvo la oportunidá de participar en cine nel añu 1999 gracies al so amigu Troy Duffy, escritor y guionista de la película The Boondock Saints, quien escurrió un personaxe puramente pa él, al que bautizó col so mesmu nome, David Della Rocco. Siguió con otros trabayos de teatru y comedia hasta qu'en 2008 volvió al cine con Jake's Corner y en 2009 cola secuela del so debú, The Boondock Saints II: All Saints Day. Darréu va siguir col cine con películes como The Black Dove y Dead in 5 Heartbeats, y anguaño ta trabayando nuna nueva película de terror titulada Feeding on Fear que se va estrenar en 2014.[1][3]