Dōgen

De Wikipedia
Saltar a navegación Saltar a la gueta
Dōgen
Dogen.jpg
Vida
Nacimientu Uji19 de xineru de 1200
Nacionalidá Bandera de Xapón Xapón
Fallecimientu

Kyoto22 de setiembre de 1253

(53 años)
Oficiu
Oficiu bhikkhu y filósofu
Cambiar los datos en Wikidata

Eihei Dōgen (永平道元) también Dōgen Zenji (道元禅師) o Dōgen Kigen (道元希玄) o Koso Joyo Daishi (lliteralmente Gran Maestru) (19 de xineru de 1200Uji - 22 de setiembre de 1253Kyoto) foi un maestru budista xaponés fundador de la escuela Sōtō del Zen nesti país.

Biografía[editar | editar la fonte]

Nacíu en Kioto nel senu d'una familia noble, quedó güérfanu de padre y madre a bien temprana edá, siendo adoptáu por unu de los sos tíos. A los 13 años, entró como noviciu nel Monte Hiei, centru de la Escuela Budista del Tiantai. Na primavera de 1223 partió escontra China, tornando a Xapón en 1227 en siendo reconocíu pol maestru Rujing como maestru de la escuela Cáodòng (曹洞宗, pronunciáu Sōtō-shū en Xaponés). Tres el so regresu, desarrolló la so actividá relixosa en templos cercanos a Kioto, axuntando al so alredor una comunidá de siguidores de la nueva escuela del Budismu Zen. En 1243, treslladóse con ellos a la provincia d'Echizen, na actual prefeutura de Fukui. Nesta rexón, fundó'l templu Eihei-ji (永平寺), que se caltien hasta l'actualidá como uno de los dos templos principales de la escuela Sōtō.

El Zen de Dōgen[editar | editar la fonte]

Nel corazón de la variedá de Zen qu'enseñó Dōxen hai una serie de conceutos clave, que son señalaos de forma repitida nos sos escritos. Toos estos conceutos, sicasí, tán íntimamente interrelacionaos unos con otros nel grau nel que toos tán directamente conectaos con zazen, o la meditación sentada, que consideraba Dōxen que ye idéntica al Zen, como s'espresa claramente na primer frase del manual d'enseñanza de 1243 "Zazen-gi" (坐禪儀; "Principios de zazen"):

Estudiar el Zen… ye zazen.[1]

Cuando fai referencia a zazen, Dōxen de cutiu refierse específicamente a shikantaza, traducible llibremente como "namás que sentase" o "namá sentase", que ye un tipu de meditación sentada na cual:

El meditador siéntase nun intensu estáu d'atención concentrada que ta llibre de pensamientos, non dirixida sobro oxetu dalgunu, y xunida a nengún conteníu en particular.[2]

Legáu[editar | editar la fonte]

La so obra maestra, Shōbōgenzō (正法眼蔵), ye una de los cumes de la lliteratura Zen. Escrita a lo llargo de más de venti años, ta compuesta nes sos ediciones canóniques de 92 llibros o fascículos.

Dōxen trató nellos una gran variedá de temes, dende indicaciones práctiques para la organización de la vida monacal o la correcta práctica del zazen, a alcordances del so viaxe a China o reflexones filosófiques, ente les cualos destaca la so concepción del tiempu.

Obres[editar | editar la fonte]

  • Eiheikoroku (Crónica estensa de Eihei), recopilación de les conferencies de Dōgen. Ta estremada en diez volumes.
  • Eiheishingi (Puros criterios de Eihei), inclúi otros testos tales como'l Bendoho (Métodos de la busca de la verdá), Fushukuhanho (Métodu de tomar les comíes), Tenzokyokun (Instrucciones para'l cocineru). Trata de testos empobinaos al orde comuñal de la vida monacal.
  • Fukanzazengi (Guía universal para'l métodu estándar de zazen), instrucciones para la correcta práctica del zazen.
  • Gakudoyojinshu (Colección d'asuntos sobro l'aprendizaxe de la verdá), conxuntu de testos independientes, probablemente arrexuntaos por Dōgen. Trata asuntos relativos a la práctica del budismu.
  • Hogyoki (Crónica de la era Hogyo), entrugues y respuestes entre Dōgen y el so maestru Tendo Nyojo.
  • Shinji-Shōbōgenzō (Ayalga del verdaderu güeyu del dharma, en calteres chinos orixinales), recopilación de Dōgen de 300 kōanes, ensin comentarios.
  • Shōbōgenzō (Ayalga del verdaderu güeyu del dharma), obra más reconocida de Dōgen que n'ediciones modernes cuenta con 95 capítulos. Trata sobre una amplia cantidá de temes, resaltando como puntos principales la non dualidá de la realidá y el zazen como vía principal p'algamar la conocencia de la realidá.
  • Shobogenzo Zuimonki (Ayalga del verdaderu güeyu del dharma bono d'entender pa los oyíos), colección de charres informales de Dōgen, asocedíes ente 1235 y 1237.

Referencies[editar | editar la fonte]

  1. Principles of Zazen; tr. Bielefeldt, Carl.
  2. Kohn 196–197

Bibliografía[editar | editar la fonte]

  • Kohn, Michael H.; tr. The Shambhala Dictionary of Buddhism and Zen. Boston: Shambhala Publications, Inc., 1991. ISBN 0-87773-520-4
  • Dōgen, Piquero, P., & Nishijima, G. W. (2013). Shobogenzo: (tesoro del verdadero ojo del dharma). Vol. I. Sirio.

Enllaces esternos[editar | editar la fonte]