Consorte Duan

De Wikipedia
Saltar a navegación Saltar a la gueta
Consorte DuanPicto infobox character.png
Vida
Nacimientu Wuxisieglu XVI
Nacionalidá Dinastía Ming
Muerte Nankín1542 [[(Gregorianu)]]
Causa de la muerte desollamiento (es) Traducir
Familia
Casada con Jiajing Emperor
Fíos/es
Cambiar los datos en Wikidata

La Consorte Duan foi una concubina del emperador Jiajing de la Dinastía Ming. Yera la concubina favorita del soberanu, pero viose implicada nun intentu de regicidio y executada.[1]

Biografía[editar | editar la fonte]

Cao yera fía d'un oficial de Wuxi (na moderna provincia de Jiangsu). Desconozse cuando foi introducida nel palaciu Ming, pero de primeres yera llamada Señora Cao.[2]

En 1536, la Señora Cao dio a lluz a la primer fía del emperador, Shouying (chinu: 壽媖). El mesmu añu, foi alzada al rangu de Concubina Imperial Duan (en chinu: 端嬪) y el so padre convertíu en miembru del Jinyiwei, con autoridá sobre 1,000 cases. Al cumplise'l primer mes de la nacencia de la so fía, l'emperador entamó una llacuada pa celebralo. En 1539, la yá Consorte Duan dio a lluz a la tercer fía del emperador, Luzheng.[3]

Revuelta de les muyeres de palaciu[editar | editar la fonte]

En 1542, l'emperador atopaba una nueche na habitación de la Consorte Duan. Un grupu de muyeres de palaciu aprució, suxetáronlu, amestaron una cuerda alredor del so pescuezu ya intentaron esgañalo. Pero una d'elles,llamada Zhang Jinlian, púnxose nerviosa y sollertó a la Emperatriz Fang. Los eunucos de palaciu alicaron al emperador y arrestaron a les mujer de palaciu.

Dempués del ataque, l'emperador Jiajing yera incapaz de falar, asina que la emperatriz Fang ordenó que'l grupu de muyeres de palaciu fuera executáu. Como l'ataque tuviera llugar nos aposentos de la Consorte Duan, la emperatriz determinó qu'ella formaba parte de la combalechadura y sentenciar tamién a la muerte per mil cortes. El so cuerpu tullíu foi públicamente amosáu, al llau de los de la Concubina Imperial Ning y les muyeres de palaciu. 10 familiares de les moces fueron tamién degollaos, ente qu'otros 20 yeren esclavizados y apurríos como esclavos a los ministros.[4] Más tarde determinóse que la Consorte Duan nun había estáu implicada, pero nun-y foi concedíu un títulu póstumu.

Sotierro[editar | editar la fonte]

Un terrén cercanu a Shuofang, na área de Wuxi, pertenecía al padre de la Consorte Duan. Ellí foi construyíu un mausoléu al estilu d'un monumentu imperial, pero ensin nenguna inscripción. Los paisanos informen que'l túmulu presenta un arcu de cedru (en pinyin: nán), que'l so nome suena similar a la pallabra del dialeutu llocal pa 'fía' (en chinu: 囡 ; en pinyin: nān), créese popularmente que'l túmulu foi llevantáu por Cao en memoria de la so fía.[5]

Referencies[editar | editar la fonte]

  1. Zhang (1739)
  2. History Office (1620s), volume 181
  3. History Office (1620s), volume 191
  4. History Office (1620s), volume 267
  5. Gu 谷, Yuefei 岳飞 (13 de xunetu de 2013). «无锡曹端妃无字牌坊穿越470年 系真实版"甄嬛传"» (chinu). Consultáu'l 27 de xunu de 2017.

Bibliografía[editar | editar la fonte]

  • History Office, ed. (1620). History Office: 明實錄:明世宗實錄 (en chinu). Ctext. [ Veritable Records of Shizong of Ming] (en chinu). Ctext. 
  • Zhang Tingyu (ed.): «《明史》卷一百十四 列傳第二 后妃二» (chinu). Lishi Chunqiu (1739). Consultáu'l 27 de xunu de 2017., ed. (1739). "" [History of Ming, Volume 114, Biography 2, Empresses and Concubines 2]. (en chinu). Lishi Chunqiu.