Consonante aproximante

De Wikipedia
Saltar a navegación Saltar a la gueta

Una consonante aproximante ye un fonema articuláu por aciu l'aproximamientu de dos órganos d'articulación ensin atayar totalmente la corriente d'aire (como asocede nes oclusives) nin producir estricción con turbulencia oyible (como asocede nes fricatives). Son soníos entemedios ente les vocales y les consonantes obstruyentes, yá que producen un estrechamientu mayor qu'el de les vocales pero ensin aportar a tan estrechu como'l que se da nel restu de les consonantes. Les aproximantes crean por tantu un grau de obstrucción menor que les fricatives y naturalmente, les oclusives.

Les aproximantes inclúin les llaterales como [l] (como en labio) y [ʎ] (como na pronunciación antigua de llave) y les semiconsonantes como [j] (familia) y [w] (foyera).

Aproximantes frente a fricatives[editar | editar la fonte]

Cuando se pronuncien bien enfáticamente les aproximantes se fricativizan llixeramente, esto ye, el fluxu del aire ye daqué más aturbolináu, lo cual recuerda a l'articulación de les fricatives. Eso asocede tantu na pronunciación enfática del inglés yes!, como nos alófonos intervocálicos en español de /b, d, g/, que munches vegaes laxamente son transcritas como fricatives (dacuando pola falta de símbolos específicos dedicaos a eses aproximantes, y por evitar diacríticos tipográficamente engarrosos). Sicasí, na fala rápida non enfática, y nel analís espectrográficu del soníu la diferencia ente una aproximante y una fricativa ye clara.

El tracamundiu o dexadez nes trescripciones ente aproximantes y fricatives, ye entá más común nes aproximantes sordes. Por casu, la aproximante velar labializada sorda [ʍ] tradicionalmente describióse como fricativa. El tibetanu tien una aproximante llateral sorda [l̥] distinta de la fricativa llateral sorda [ɬ] del galés, anque nes trescripciones d'estes llingües dacuando la diferenciación nun queda abondo clara.

Con al respective de los llugares d'articulación cuanto más tras nel cuévanu oral, más difícil ye que les llingües estremen ente aproximantes y fricatives (debíu naturalmente a qu'esa parte del cuévanu ye más estrecha). Tamién dacuando les fricatives glotales son clasificaes como aproximantes, asina [h] típicamente nun tien muncho más resfregón que la mayoría de aproximantes sordes.

Aproximantes centrales[editar | editar la fonte]

Aproximantes llaterales[editar | editar la fonte]

Aproximantes coarticuladas con símbolos AFI dedicaos[editar | editar la fonte]

Semivocales[editar | editar la fonte]

Les aproximantes [j] y [w] son particularmente abondoses nes llingües del mundu, estos dos aproximantes llámense semivocales porque frecuentemente rellaciónense colos soníos vocálicos [i] y [o]. Por casu n'español [j] y [w] (tamién representaos como ) apaecen como alófonos de /i/ y /o/ na posición non silábica d'un diptongu: neomático [new'matico], roeda [rwyð̞a]; rey [rej], riesgo [rjezγo].

Cuando s'esamina'l espectrograma de la onda sonora correspondiente a la emisión de [j] y [w] vese que son típicamente más curties y usen menor enerxía articulatoria que la vocal correspondiente.

Referencia[editar | editar la fonte]

  • Ladefoged. Vowels and Consonants (en inglés). Wiley-Blackwell. ISBN 978-1405124591.
  • Martínez Celdrán, Eugenio: El soníu na comunicación humana. Barcelona, Octaedru. 2003, 2ª ed.
  • Martínez Celdrán, Eugenio: Problems in the classification of approximants. Journal of the International Phonetic Association, vol. 34, n. 2, 2004. 201-210.

Ver tamién[editar | editar la fonte]


Consonante aproximante