Concha Heres

De Wikipedia
Saltar a navegación Saltar a la gueta
Concha HeresPicto infobox character.png
Concha Heres en el Centro Asturiano de Oviedo-2.JPG
Vida
Nacimientu Balmonte1864
Nacionalidá Flag of Spain.svg España
Muerte

Madrid2  de xunu de 1943

(78/79 años)
Sepultura cementeriu de Grau
Estudios
Llingües castellanu
Oficiu
Oficiu filántropa
Cambiar los datos en Wikidata

Concepción Heres y Palacio (1864Balmonte - 2  de xunu de 1943Madrid), conocida como Concha Heres, foi una filántropa asturiana.

Biografía[editar | editar la fonte]

Nació nel conceyu de Balmonte nel branu de 1864 y pasó la so mocedá en Grau coles hermanes de la so ma, Nicasia y Joaquina. Yera la fía menor de Diego Heres y Muñiz Miranda y Luisa Palacio y Rodríguez San Pedro. Tuvo cinco hermanos: Víctor, Teófilo, Casimiro y Avelina.

El 11 d'ochobre de 1883 casóse por poderes con Manuel Valle Fernández, presidente del Centru Asturianu de L'Habana. Yera 26 años mayor qu'ella y taba viudu. Al casase coló pa Cuba col so hermanu Casimiro. Elli tuvo viviendo en L'Habana. El 21 de payares de 1896 morrió'l so home y dexó los negocios al cargu del so hermanu y volvió pa Asturies, comprando una casa en Grau. N'esti tiempu fae diverses obres benéfiques y donaciones, como un retablu pa la ilesia de San Bartolomé, les escueles o l'edificiu del xulgáu y la casa pal xuez.

Col cambiu de sieglu treslládase pa Uviéu. Ellí conocería al abogáu Luis Menéndez de Luarca y Secades, col que se casaría. Establecieron residencia en Madrid, regresando a Asturies pel branu. Sigue cola llabor benéfica, destacando la donación d'un retablu dedicáu a San Antoniu a la ilesia de San Xuan el Real en 1927 y la creación d'un pabellón na Quinta de Salú en 1928. Cola llegada de la República divorcióse y volvió pa Asturies.

Morrió en Madrid el 2 de xunu de 1943 y foi enterrada n'un panteón nel cementeriu de Grau, obra d'Anselmo Arenillas, nel que rescampla una estatua fecha por Juan Cristóbal. Al nun tener descendencia dexó como herederos a los cuatro sobrinos que tinía: Manuel Heres Cañedo, Vidal Saiz Heres, Manuel Saiz Heres y Concepción Saiz Heres[1].

Honores[editar | editar la fonte]

Pa honrar la so memoria, el 1 d'ochobre de 2002 el Conceyu d'Uviéu puso'l nome de Plaza Concha Heres a una plaza ente les cais d'Azcárraga y Martínez Vigil[2]

Referencies[editar | editar la fonte]

  1. Moisés Llordén Miñambres (1992). Arte, cultura y sociedad en la emigración española a América (en castellanu). Universidá d'Uviéu. ISBN 9788474687309.
  2. Enciclipedia de Oviedo (ed.): «Concepción Heres y Palacio» (en castellanu). Consultáu'l 21 de xunu de 2020.

Enllaces esternos[editar | editar la fonte]