Compangu

De Wikipedia
Saltar a navegación Saltar a la gueta
Dalgunos de los elementos qu'intervienen nel compangu.
secaderu de chorizos n'Asturies

El compangu ye l'acompañamientu cárnicu afumáu emplegáu na ellaboración de la fabada asturiana y los cocíos llebaniegu y montañés, consta xeneralmente de chorizu, morciella y tocín entrevenao. Ye un ingrediente típicu de les cocines asturiana, cántabra y gallega que s'añade a tou tipu de potaxes: con llenteya, berces, etc. Anguaño puede atopase'l compangu envasau al vacíu na mayoría de los supermercaos españoles, xeneralmente de menor calidá.

En Galicia tamién se denomina asina a tou alimentu cárnicu susceptible de ser inxeríu acompañáu namás de pan, a manera de bocáu.

Los componentes del compangu[editar | editar la fonte]

Gatafu, morciella, llacón y tocín.
Compangu de la fabada preparáu pa sirvir na mesa.

Los ingredientes suelen ser diversos, amás de la morciella'l chorizu y el tocín, suel haber otros ingredientes como: cabeza de gochu, costiella fresca, etc.

La morciella[editar | editar la fonte]

La morciella asturiana del compangu ye negra, con fuerte sabor a fumu y de sabor fuerte, contién cebolla y suel escaldiase antes de ser embuchada. Ye de los elementos más pesaos y difíciles de dixerir del compangu cuando s'emplega nun cocíu. Intervien namás na última parte de cocción de la fabada, yá que se suel romper. Sicasí ye costume pinchar la so piel antes de ser introducida nel caldo pa que nun esplote cola dialatación del calor. El so sabor ye inconfundible na fabada, puede dicise qu'apurre'l máximu sabor.

El chorizu[editar | editar la fonte]

El chorizu asturianu ye fuerte de sabor, suel tar curáu al fumu y contién una gran proporción de pimentón, el color acoloratáu de los guisaos con esti chorizu débese en parte a esti ingrediente. El chorizu y el tocín suélense poner una hora primero que vaya a terminar la cocción. Suelen ser unos chorizos de pequeñu tamañu, 30 cm de llargor con piel embuchada fina.

El tocín y llacón[editar | editar la fonte]

El tocín hai de ser entrevenao, con abondosa carne ente la grasa. Suel tar en salazón (Panceta en salazón), nesti casu ponse a remueyu la nueche anterior.

Usos[editar | editar la fonte]

El compangu puede atopase nos siguientes platos:

  • Fabada asturiana - Los trés elementos comen aparte.
  • Pote asturianu - Los trés elementos comen aparte.
  • Cocíu llebaniegu - Los trés elementos comen aparte.
  • Cocíu montañés - Los trés elementos cómense xuntos o aparte.
  • Borona - Suel llevar dalgún ingrediente del compangu, amás de carne.

Ver tamién[editar | editar la fonte]