Comité Central del Partíu Comunista de China

De Wikipedia
Saltar a navegación Saltar a la gueta

El Comité Central del Partíu Comunista de China (chinu simplificáu: 中国共产党中央委员会, chinu tradicional: 中國共產黨中央委員會, pinyin: Zhōngguó Gòngchǎndǎng Zhōngyāng Wěiyuánhuì) ye l'organismu formáu per alredor de 300 miembros del Partíu Comunista de China (PCC) y que s'axunta añalmente pa decidir les polítiques del partíu, qu'afecten a tolos ámbitos de gobiernu na República Popular China.

Les xuntes añales del Comité Central del Partíu asoceden al empar que les xuntes de l'Asamblea Popular Nacional, el máximu órganu lexislativu del Estáu, nuna manifestación clara de la estrecha correspondencia esistente ente les instituciones del partíu y les del Estáu.

Los miembros del Comité Central son escoyíos nos congresos nacionales del partíu, anguaño celebraos cada cinco años. Nel XVI Congresu Nacional del PCC, celebráu nel añu 2002, fueron escoyíos los miembros actuales, 198 miembros titulares y 158 suplentes.

D'estos 356 miembros del Comité Central, 24 formen una estructura más amenorgada que s'axunta de manera periódica a lo llargo del añu: el Buró Políticu. De la mesma, nueve de los miembros del Buró Políticu formen el Comité Permanente, la máxima cúpula de poder del PCC.

Enllaces esternos[editar | editar la fonte]