Comisión pa conmemorar los bicentenarios de la independencia de les Repúbliques Iberoamericanes
La Comisión pa conmemorar los bicentenarios de la independencia de les Repúbliques Iberoamericanes ye una comisión nacional adscrita a la Vicepresidencia primera del Gobiernu d'España, cola cuenta de llevar a cabu un programa d'actividaes conmemorativas de los mentaos bicentenarios, que se van celebrar a partir de 2008 y a lo llargo de más de quince años.
Fechos a conmemorar[editar | editar la fonte]
Al descubrimientu d'América en 1492 per parte d'una espedición española patrocinada polos Reis Católicos y comandada por Cristóbal Colón, sigue'l llargu periodu de la colonización española n'América nel que s'intercambien mutues influencies ente la metrópolis y les nueves tierres conquistaes. Surden un conxuntu de virreinatos, capitaníes xenerales y territorios insulares dependientes de la corona d'España, que traviesa cada vez mayores dificultaes pa exercer el control de tan vastos y diversos territorios.
Tres la guerra de la independencia española de 1808 surden n'América movimientos llibertadores y conflictos bélicos que van dar llugar a los distintos países independizaos d'España. Dende Colombia y Méxicu en 1810 hasta Bolivia en 1825 lleguen a llograr la independencia hasta 14 nueves repúbliques nun curtiu periodu, del que llueu se cumplirá 200 años, y que'l so bicentenariu agora pretende conmemorase so la coordinación d'esta comisión nacional.
Constitución de la comisión[editar | editar la fonte]
La Comisión pa conmemorar los bicentenarios de la independencia de les Repúbliques Iberoamericanes constituyóse formalmente'l 24 d'ochobre de 2007, nel Congresu de los Diputaos, so la presidencia de María Teresa Fernández de la Vega, vicepresidenta del Gobiernu d'España.[1]
Organigrama[editar | editar la fonte]
Consta de los siguientes órganos:
a) El Presidente: va ser presidida pola Vicepresidenta Primer del Gobiernu d'España, asistida por un Presidente Executivu, cargu que va recayer nel ministru d'Asuntos Esteriores y de Cooperación.
b) El Plenu, que ta formáu por:
- Miembros de l'Alministración central: El ministru d'Asuntos Esteriores y de Cooperación, que va exercer les funciones de presidente executivu, los ministros de Xusticia; d'Educación y Ciencia; y de Cultura; el direutor del Gabinete del Presidente del Gobiernu; el secretariu xeneral de la Presidencia del Gobiernu, los secretarios d'Estáu de Cooperación Internacional y Presidente de l'Axencia Española de Cooperación Internacional; pa Iberoamérica; de Defensa; d'Universidaes ya Investigación; d'Inmigración y Emigración; y de Turismu y Comerciu; los Subsecretarios de los Ministerios d'Asuntos Esteriores y de Cooperación; de Xusticia; d'Economía y Facienda; de Fomentu; d'Educación y Ciencia; de Cultura; de Trabayu y Asuntos Sociales; d'Industria, Turismu y Comerciu; de la Presidencia; d'Alministraciones Públiques; y de Vivienda, los direutores xenerales de Política Esterior pa Iberoamérica, que va exercer les funciones de Secretariu de la Comisión, con voz y votu; d'Organismos Multillaterales Iberoamericanos; del Ministeriu d'Asuntos Esteriores y de Cooperación; de Rellaciones Culturales y Científiques de l'Axencia Española de Cooperación Internacional; el direutor del Departamentu d'Educación y Cultura de Presidencia del Gobiernu.
- Otros miembros: los direutores de la Real Academia de la Llingua Española; de la Real Academia d'Historia; del Institutu Cervantes; del Centru d'Estudios Políticos y Constitucionales; los presidentes de la Sociedá Estatal pa Esposiciones Internacionales (SEEI); de la Sociedá Estatal pa l'Acción Cultural nel Esterior (SEACEX);y de la Sociedá Estatal de Conmemoraciones Culturales (SECC); los direutores de la Fundación Carolina; de la Casa d'América; el presidente del Real Institutu Elcano; y el comisariu pa los Bicentenarios de la Independencia de les Repúbliques Iberoamericanes.
A pidimientu del Presidente y previa la so aceptación, van poder formar parte'l Secretariu Xeneral Iberoamericanu, y hasta 10 personalidaes en representación del mundu de la historia, de la cultura, de la economía y de les rellaciones internacionales.
c) El Comité Executivu. presidíu pol Ministru d'Asuntos Esteriores y de Cooperación, que va poder ser sustituyíu pol Secretariu d'Estáu pa Iberoamérica, ta integráu por un máximu de siete miembros escoyíos pol Plenu. Los seis vocales son:
- Felipe González Márquez, embaxador estraordinariu y plenipotenciario pa la Conmemoración.
- César Antonio Molina, ministru de Cultura (dende'l 7 d'abril de 2009, Ángeles González-Sinde[2]).
- Trinidad Jiménez, secretaria d'Estáu pa Iberoamérica (dende'l 18 d'abril de 2009, Juan Pablo de Laiglesia[3]).
- Leire Pajín, secretaria d'Estáu de Cooperación Internacional (dende'l 12 de xunetu de 2008, Soraya Rodríguez[4]).
- José Enrique Serrano Martínez, direutor del Gabinete del presidente del Gobiernu.
- Anunciada Fernández de Córdova, direutora xeneral d'Organismos Multillaterales Iberoamericanos (dende'l 14 de marzu de 2009, Juan María Alzina d'Aguilar[5]).
d) El comisario. Va Ser nomáu pol Gobiernu.
Referencies[editar | editar la fonte]
- ↑ "REAL DECRETU 595/2007, de 4 de mayu, pol que se crea la Comisión Nacional pa la Conmemoración de los Bicentenarios de la Independencia de les Repúbliques Iberoamericanes", Ministeriu d'Asuntos Esteriores y de Cooperación (BOE n. 113 de 11/5/2007). Accesible n'http://www.boe.es/boe/dias/2007/05/11/pdfs/A20314-20316.pdf
- ↑ [1], Real Decretu 558/2009, de 7 d'abril (BOE estraordinariu de 7 d'abril de 2009).
- ↑ [2], Real Decretu 643/2009, de 17 d'abril (BOE de 18 d'abril de 2009).
- ↑ [3], Real Decretu 1189/2008, de 11 de xunetu (BOE de 12 de xunetu de 2008).
- ↑ [4], Real Decretu 334/2009, de 13 de marzu (BOE de 14 de marzu de 2009).
