Clive Sinclair

De Wikipedia
Saltar a navegación Saltar a la gueta
Clive SinclairPicto infobox character.png
Sinclair.600pix.crop.jpg
Vida
Nacimientu

Richmond[1]30  de xunetu de 1940

[3]
Nacionalidá Bandera del Reinu Xuníu Reinu Xuníu
Muerte

Londres[4]16  de setiembre de 2021

[4] (81 años)
Fíos/es 3
Estudios
Estudios Highgate School (es) Traducir
St George's College Weybridge (en) Traducir
Llingües falaes inglés
Oficiu entamador, inxenieru, inventorinformáticu teóricu
Premios
Miembru de Mensa
IMDb nm1906152
Cambiar los datos en Wikidata

Clive Marles Sinclair (30  de xunetu de 1940Richmond – 16  de setiembre de 2021Londres) foi un inxnieru ya inventor británicu, creador del perconocíu ordenador domésticu ZX Spectrum a entamos de la década de 1980.

Sinclair Radionics[editar | editar la fonte]

En 1961 creó la compañía Sinclair Radionics Ltd. col envís inicial de comercializar paquetes de productos electrónicos per corréu ensin ensamblar. Sicasí, asoleyó como productu estrella el Macrovision, ún de los primeros televisores portátiles, pequeños receptores de radio o relós electrónicos como'l 'Black Watch', a la fin ún de los sos primeros fracasos comerciales de sonadía.

Ente los sos ésitos nesta etapa rescampla l'apaición, en 1962, de la primer calculadora electrónica de bolsu.

Sinclair Research[editar | editar la fonte]

En 1980 dexa Sinclair Radionics y crea Sinclair Research Ltd., lanzando el ZX80 (nomáu "l'ordenador más pequeñu y baratu del mundu"). L'equipu disponía de 1 Kbyte de memoria RAM y un sistema operativu en llinguaxe BASIC almacenáu nuna memoria ROM de 4 Kbyte. El sistema de visualización, en blancu y negru y sin capacidaes gráfiques, ufría 32 columnes por 24 files. Incorporaba un tecláu sensible al tactu y conexones pa televisión y cinta de casete, y taba basáu nun procesador Z80 a 1 MHz.

En 1981 lanza el ZX81, una versión ameyorada del ZX80. El principal cambeu foi la sustitución de los 12 chips estándar pa llectura de tecláu y xeneración de videu del ZX80 por un únicu chip de diseñu específicu (Uncommited Logic Array o ULA), creáu por Ferranti por encargu de Sinclair. Esti cambeu abarataba notablemente el coste del equipu y aumentaba la so fiabilidá.

Sinclair ZX Spectrum de 48K.

En 1982 la evolución d'esti productu lleva a l'apaición del ZX Spectrum, el mayor ésitu comercial de Sinclair y ún de los finxos de la historia de la popularización de la informática nel mundu.

El ZX Spectrum ufría mayor capacidá de memoria (16 y 48 Kbyte, según versión) y mayor velocidá (procesador Z80 a 3,5 MHz). En cuantes a gráficos, ufría una resolución de 256 por 192 pixels, un sistema BASIC más avanzáu (conteníu nuna ROM de 16Kbytes) y ciertes capacidaes de color. Amás, yera capaz d'emitir soníos al traviés d'un pequeñu zumbaor.

Tres del ésitu del ZX Spectrum nel mundu, en 1984 asoleya el Sinclair QL con procesador Motorola 68008 y con muncha más capacidá que'l modelu anterior. Sicasí, problemes de diseñu, la inexistencia de puertu paralelu pa impresores, y l'usu del cartuchu ZX Microdrive como sistema d'almacenamientu, envede disquetes o discu duru, llevaron a esti ordenador al fracasu nun momentu nel qu'apaecía nel mercáu el primer ordenador de la serie Macintosh de la compañía estauxunidense Apple.

La quiebra[editar | editar la fonte]

Sinclair C5

Sicasí, l'actividá de Sinclair nun se zarró a la informática de consumu, y en 1985 presenta un coche llétricu, el Sinclair C5. Esti proyeutu foi, a la fin, un desastre financieru, ente otres cuestiones, porque se-y negó el permisu de circulación per víes públiques pol baxu altor del vehículu.

En 1986 la grave crisis que sufre la empresa lleva-y a vender la llinia d'ordenadores y la marca Sinclair al so más direutu competidor n'Europa: Amstrad.

Cambridge Computer Z88.

Clive Sinclair continuó cola so capacidá emprendedora al traviés de Cambridge Computers, empresa que funda en 1987 y na qu'asoleya otru productu de sonadía: el Cambridge Z88. Yera un ordenador portátil únicu na época, basáu nel ya conocíu procesador Z80 a 3,5 MHz y con hasta 3,5 Mbyte de memoria RAM. Ente les sos carauterístiques rescamplaba l'ausencia de discos (utilizaba una memoria RAM como sistema d'almacenamientu), el so tamaño reducíu y la so autonomía con hasta 20 hores d'usu alimentáu con cuatro bateríes AA alcalines normales). El software integráu daba-y funciones d'axenda electrónica, procesu de testus y fueya de cálculu. Hebo versiones en delles llingües. Sicasí, la repuesta comercial nun foi grande y Cambridge Computers acabó quebrando.


Clive Sinclair trabaya anguaño na compañía Sinclair-Research [1] cola que comercializa productos innovadores como Zeta, un sistema d'asistencia al apedalamientu nes bicicletes, heredáu del C5, asina como la bicileta portátil A-bike, presentada el 12 de xunetu de 2006, pero cuyo diseñu inicial remóntase a la década de 1980.

Bibliografía[editar | editar la fonte]

Referencies[editar | editar la fonte]

  1. «Profile: Sir Clive Sinclair» (inglés). The Scotsman (1 mayu 2010). Consultáu'l 16 setiembre 2021.
  2. «Sinclair bows out» (xunu 1986).
  3. Afirmao en: Library of Congress Authorities. Identificador d'autoridá de la Biblioteca del Congresu d'EEXX: n86060457. Data de consulta: 16 setiembre 2021. Editorial: Biblioteca del Congresu d'Estaos Xuníos. Llingua de la obra o nome: inglés.
  4. 4,0 4,1 «Home computing pioneer Sir Clive Sinclair dies aged 81» (inglés británicu). The Guardian (16 setiembre 2021). Consultáu'l 16 setiembre 2021.
  5. 5,0 5,1 Afirmao en: Who's Who. Identificador de Who's Who (Reino Unido): U34980. Editorial: A & C Black. Llingua de la obra o nome: inglés británicu.

Enllaces esternos[editar | editar la fonte]