Chiqui González

De Wikipedia
Saltar a navegación Saltar a la gueta
20-05-2020 19:40
Chiqui GonzálezPicto infobox character.png
Vida
Nacimientu

Rosario21  d'abril de 1948

(73 años)
Nacionalidá Bandera d'Arxentina Arxentina
Estudios
Estudios Universidá Nacional de Rosario
Oficiu
Oficiu políticaabogada
Cambiar los datos en Wikidata

María de los Ángeles González (21  d'abril de 1948Rosario), más conocida como Chiqui González ye una política, xestora cultural, abogada, direutora teatral, dramaturga y docente universitaria arxentina.[1] Ente 2006 y 2007 foi secretaria de Cultura de la Municipalidá de Rosario y n'avientu de 2007 convirtióse na ministra d'Innovación y Cultura de la provincia de Santa Fe.[2]

Historia[editar | editar la fonte]

Nació y creció nel barriu Saladillo,[3] la so madre yera odontóloga de barriu y el so padre maestru carcelariu. A los 9 años empezó a demostrar les sos cualidaes dientro del terrén artísticu ganando importantes concursos de poesía faciéndose pasar por un adultu. A los 19 años graduóse d'abogada na Universidá Nacional de Rosario,[4] onde darréu posgraduóse en Derechu de Familia.[3]

Exerció un curtiu periodu como abogada y depués dedicóse de plenu a proyeutos teatrales emblemáticos pa la ciudá de Rosario como «Bajo el ala del sombrero» (1989-1993 cola Agrupación Filodramática «Te quisimos con locura»), «Desnuda de terciopelo» (1993-2002 llogró'l premiu Estrella de mar) y «Orquesta de señoritas» (1998). Mientres esi periodu tamién foi parte en proyeutos de teatru independiente onde foi parte del surdimientu de l'Agrupación Discepolín, «Sociedad del Ángel» y el Teatru Arteón.

Docencia[editar | editar la fonte]

Ye profesora de “Teoría y estética de los Medios” y “Direición d'Actores” de la carrera Diseñu d'Imaxe y Soníu de la Facultá d'Arquiteutura, Diseñu y Urbanismu (FADUUBA). Amás ye docente de la Escuela Internacional de Cine y Televisión de San Antonio de los Baños en Cuba.

Trayeutoria na xestión pública[editar | editar la fonte]

Empezó la so carrera dientro del estáu nel añu 1996 como Direutora Xeneral del Centru d'Espresiones Contemporánees y llevando alantre'l proyeutu "La ciudad de los niños” (1996 – 2001). Más tarde empieza a xestar unu de los sos proyeutos más reconocíos, el trípticu de la infancia, que consiste en tres espacio lúdicos creativos: «La Granja de la infancia», «La isla de los inventos» y «El jardín de los niños».[2][3]

A finales de 2007 asumi como ministra d'Innovación y Cultura de la provincia de Santa Fe. Dende esi espaciu destácase la creación en ciudá de Santa Fe de «El tríptico de la Imaginación», un proyeutu de carauterístiques asemeyaes al trípticu de la infancia pero apuntáu a mozos y a los nuevos venceyos sociales que se xeneren. Los espacios que lu componen son La Esquina Encendida, “La Redonda”, Arte y Vida Cotidianda, y “El Molino”, Fábrica Cultural.

En paralelo, na ciudá de Rosario crea los espacios Plataforma Lavardén, El Cairo Cine Público y CasArijón.

Doctor Honoris Causa[editar | editar la fonte]

El 30 de payares de 2012 foi declarada Doctor honoris causa de la Universidá d'Aberdeen, Escocia. La eleición realizóse dempués de qu'una delegación del ministeriu d'Educación escocés y l'Universidá Formadora de Maestros viaxara a Rosario pa conocer el trípticu de la infancia y el trípticu de la imaxinación en Santa Fe.

Referencies[editar | editar la fonte]

Enllaces esternos[editar | editar la fonte]