Childericu I

De Wikipedia
Saltar a: navegación, buscar
Childericu I
Rei de los francos salios
Childeric en couleur.jpg
Reináu 457 - 26 d'avientu de 481
Muerte 26 d'avientu de 481
Tournai (Bélxica)
Predecesor Merovéu
Descendencia Clodovéu I
Audofleda
Lanthilde
Alboflède
Dinastía Merovinxos
Padre Merovéu

Childericu I (hacia 436 - 481, Tournai, Bélxica) foi rei de los Francos Salios nel añu 457.

Quiciabes foi fíu de Merovéu. Casó con Basina de Turinxa y tien por fíu a Clodovéu I.

Esti príncipe tuvo secuestráu cuando yera neñu por un destacamentu del exércitu de los hunos y lliberáu de forma milagrosa por un bravu francés llamáu Viomade. Tenía valor y coraxe, pero yera de corazón tienru, y los señores franceses fartucos de los amoríos que tenía coles sos muyeres, aliáronse pa destronalu, polo que retiróse a Alemaña, au volvió cayer nos mesmos fallos y seduxó a Basina, esposa del rei de Turinxa, el so güéspede y amigu el rei Basín.

Childericu fízose otra vegada col tronu, del que lu echaren les sos galaneríes, dempués de ganar una batalla. La reina de Turinxa, Basina, abandona al so home y cásase con Childericu, con gran escándalu, yá que los sos detractores reclamen ensin llogralo los derechos matrimoniales y les lleis inviolables de l'amistá. D'esti matrimoniu nació'l gran Clodovéu I.

El final del so reináu tuvo señaláu por munchos ésitos gloriosos. Derrota cerca d'Orleans al exércitu d'Odoacru, rei de los hérulos (y conquistador nel añu 476 del Imperiu Romanu d'Occidente), toma Angers y somórguiala al pillaxe. Mata coles sos manes al conde Paul, que taba al mandu de les tropes del Emperador. Robla un tratáu de paz con Odoacru y xúnese colos saxones pa esterminar a los alamanes qu'invadieren una parte d'Italia. La conquista d'Alemaña foi'l postreru fechu memorable d'esti príncipe. Morrió pocu dempués, nel ventiavu cuartu añu del so reináu y foi soterráu na villa de Tournai. La so tumba afayóse nel añu 1653.[1]

Asocédelu'l so fíu Clodovéu I.

Ver tamién[editar | editar la fonte]

Referencies[editar | editar la fonte]

  1. (n'inglés) «A Note on Childeric's Bees» University of Chicago.

Enllaces esternos[editar | editar la fonte]