Chicolatada

De Wikipedia
Saltar a navegación Saltar a la gueta
Chicolatada
Chocolatada navideña.jpg
Nome Chicolatada
Detalles
Más información
[editar datos en Wikidata]

Una chicolatada ye un eventu social nel que la ingesta de chocolate conviértese nel motor de la xunta. Suel tratase d'una xunta festiva con calter conmemorativo o de celebración.

Historia[editar | editar la fonte]

El chocolate yera cultiváu y utilizáu davezu polos antiguos habitantes de Mesoamérica. La grana de cacáu yera utilizada en crudu como moneda o, debidamente preparada, como parte de rituales relixosos, como medicina, o cenciellamente como alimentu.

Preparación: Tiense qu'amestar primero'l cacáu a gustu, depués si quierse o nun se-y puede amestar azucre (nun ye obligatoriu) y d'últimes amestar la lleche. Otra manera ye mercando un chocolate que ye especial pa faer chicolatada y metela nun vasu de lleche pa depués dilise y formase la mesma.

El cacáu yera un elementu ceremonial nes sociedaes precolombines.

Ye cola llegada de los europeos a América cuando'l chocolate pierde la mayoría de los usos que recibía y empieza a ser utilizáu namái como alimentu, debidamente especiado y preparáu. Sicasí, el fechu de que'l cacáu fuera un alimentu de calter sagráu inflúi na forma en que ye presentáu a los españoles, que lo empezarán a considerar como una bébora fayadizo pa celebraciones y eventos importantes. Les nueves formes de preparar el chocolate resulten del gustu de los cielos la boca europeos de la dómina y espublícense de forma masiva recetes per tol Vieyu Mundu. En menos de cien años, el chocolate va ser consumíu de forma habitual en monesterios, xuntes de la Corte, entevistes con embaxadores y sobremanera nos eventos sociales de les clases acomodaes al traviés de la so preparación nes antigües confiteríes de la capital.[1]

Chicolatada preparada al estilu tradicional nes cais de Madrid.

Dende'l sieglu XVII esisten rexistros de la celebración de chicolataes por toa Europa. Les nueves meyores surdíes na Revolución Industrial tamién inflúin na forma de preparar el chocolate y adulces les máquines van dir sustituyendo a los métodos tradicionales de preparación de la bébora. Sicasí, les nueves formes de presentación del chocolate, los sos sabores y les sos combinaciones con otros alimentos van resultar del presto de la mayoría, y el so consumu va siguir aumentando regularmente col pasu del tiempu.[2]

Actualidá[editar | editar la fonte]

Na actualidá'l chocolate ye utilizáu profusamente nel ámbitu de la repostería y de la cocina, y el so usu n'eventos sociales permanez más vixente que nunca. N'España ye habitual el so consumu como bebida caliente nos meses más fríos del añu, yá seya solu o acompañáu de churros o porres. Ye bien común la ingesta de chicolataes ente amigos y familiares mientres les feches navidiegues, yá seya en puestos ambulantes o como un eventu más de la fiesta de despidida del añu.[3] Asina mesmu, tantu n'España como n'otros países ye frecuente la presencia del chocolate nes fiestes patronales o en celebraciones destacaes.[4][5]

Notas[editar | editar la fonte]

  1. Michael D. Coe, Conferencia Kakaw, museo Popol Vuh.
  2. Abre en El Cairu la primera chocolatería tradicional, El País, 1 d'agostu de 2010.
  3. El placer del chocolate, El País, 20 d'avientu de 2009.
  4. Chocolatada durante las fiestas patronales de San Martín de Valdeiglesias, 20minutos, 7 de setiembre de 2007.
  5. Fiesta del chocolate en Bariloche, tiene lugar desde 1969 en la llocalidá argentina de Bariloche.

Ver tamién[editar | editar la fonte]