Revolución industrial

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Máquina de xau allugada na entrada de la Escuela Técnica Superior d'Inxenieros Industriales de la UPM (Madrid).

La Revolución industrial foi un periodu históricu comprendíu ente la segunda metá del sieglu XVIII y principios del XIX, nel que Gran Bretaña de primeres[1], y el restu d'Europa continental dempués, sufren el mayor conxuntu de tresformamientos socioeconómicos, tecnolóxicos y culturales de la hestoria de la humanidá, dende'l neolíticu.

La economía basada nel trabayu manual trocóse por otra dominada pola industria y la manufactura. La Revolución entamó cola mecanización de les industries testiles y el desenvolvimientu de los procesos del fierro. La espansión del comerciu tuvo favorecida pola meyora de les rutes de tresportes y darréu pola nacencia del ferrocarril. Les innovaciones teunolóxiques más importantes foron la máquina de xau y la denomada Spinning Jenny, una potente máquina rellacionada cola industria testil. Estes nueves máquines favorecieron enormes medríes na capacidá de producción. La producción y desenvolvimientu de nuevos modelos de maquinaria nes dos primeres décades del sieglu XIX facilitó la manufactura n'otres industries y espoxigó tamién la so producción.

Asina ye que na Revolución industrial auméntase la cantidá de productos y amenorga'l tiempu nel qu'estos se faen, dando pasu a la producción en serie, yá que se simplifiquen xeres complexes, en delles operaciones cencielles que pue facer cualquier obreru ensin necesidá de que seya mano d'obra cualificada, y d'esta miente baxar costos en producción y alzar la cantidá d'unidaes producíes sol mesmu costu fixu.

Referencies[editar | editar la fonte]